Versets bíblics populars de Hiburu 5

Comparteix

Ko daare balo boboŋa na kweere Wɛ chega kam seeni to mo laam yi se ba di wodiu kolo na duna to. Banto mo yeini ba tɔge Wɛ chega kam de jawala, pa se ba wae ba pɔɔre lam de lwarem daane.

Ko ná dae konto ŋwaane, tento wɛɛne abam ya wó ta‑á ye balo na maŋe se á ta‑á jege Wɛ nɔɔna á zamese to mo. Ko na ye chega to, ko maŋe se nɔɔna jwoori ba zamese abam Wɛ taane wo-mwaalo tem mo. Abam nye de bia balo ta na wo yi wodiu dim, ye á jege se á ta‑á ŋɔge yela mo ne bu-balɛ tei to. Balo na jege bu-balɛ boboŋa konto to bere we, ba ta wo lɔre Wɛ kwora kalo na bere o chega kam to chekke.

O maŋe o ye Wɛ Bu mo. De konto de, o na yaare tei to mo pɛ o lɔre o na wó ke tei o tɔge Wɛ ni to. O laam ma ji wolo na jege chega chekke ye o wae o jwoŋi balo maama na sɛ o ni to o pa ba na ŋwea Wɛ tei ne.

Yezu na wo logo baŋa ne maŋa kalo to, o yeini o tiini o ware Wɛ, ye o ka yi-na o kaase o ma lwoori‑o, o na yei we Wɛ wó wane o jwoŋi‑o toone wone to ŋwaane. Wɛ ma sɛ o wɛ-lworo kom, o na tu o tete ye o zuli‑o lanyerane to ŋwaane.