Versets bíblics populars de 2 Korinti 3

Comparteix

Dé nam yei we dé Teiru wom de Wɛ Sin-laao kom maama ye bedwe mo. Wɛ Sin-laao kom nam ná wo nɔɔno wolo tei ne, kotu nɛ verem mo.

Debam balo maama na sɛ Yezu to daa ba jege gɔrɔ kolo na kwoli dé yibia to, pa se dé wae dé bere dé Teiru wom nenɔŋ-fɔrɔ kom jaja. Ko maa pae se dé wora dé jiri ne o tete na ye tei to, ye o nenɔŋ-fɔrɔ kom tiini ko pula dé tei ne de dam. Dé Teiru wom na ye bedwe de Wɛ Sin-laao kom to mo wó pa dé bere Wɛ dam konto dwoŋi.

Nɔɔno nam ná pipiri se o tɔge dé Teiru wom, ko wó pa se gɔrɔ kom dɔne konto tu yia ne.

Kolokolo nam tera debam tete tei ne ko na wó pa debam chwoŋa se dé taa toŋe Wɛ totoŋa yam konto to. Ko nam ye Wɛ zeinim dem mo pae se dé maŋe dé o totoŋa yam. O ma pa dé maŋe se dé taa bere nɔɔna o ni-doore dem na ye tei. O ni-doore dem o na gwoni o pa nabiina to nam ba tɔge ni-kaana yalo na popone tɔnɔ ne to. De nam tɔge Wɛ Sin-laao kom ŋwaane mo. Ni-kaana yam pae se toone mo nae chwoŋa de jaane nabiina. Ko daare Sin-laao kom nam mo pae se nabiina na ŋwea Wɛ tei ne.