Versets bíblics populars de အာဒါနေလ 6

Comparteix

ဒေါ ဝီ နပ် အာဒါနေလ လွင် ခုန်ဒီခမ် ဟဲ့ ထုတ် လေး အာမိင် တီ၊ အန် ဘော ဝီ ဝေန့် ဒီ ကာင် အန်။ ခဲင် ကာင် အန် ဒီ ခြွင့် နာ ဒဲင်၊ န့ ဘော မိုဝ်း ကာဒဝ် ပါတဲင် အီ ဝိုဝ်း မာငး ဟာဝ် နာ မိူင် ယေရူဆာလဲမ်။ အန် ဘော မုတ် ဂိုပ် ဆာခိုဝ် ဒီ ဇဝ်ဖြာ အူ ဆီငဲ အူယ် ဇေန့်၊ တဲး န့ ပီ ပီ ဒွိုမ် ဘူင် အန် ဆေဆေ။

ဇဝ်ဖြာ ဟဲ့ စ်ု အာမူ အာမာတ် အန်၊ တဲး ဂေ တး ကာဘိတ် မူတ့် မာခြင်ဆီ။ အုဝ် မိူဝ် ဟဲ့ လွတ် ဒီ မာခြင်ဆီ ဂေ တီ။ အန် ဇဝ် ဘူင် ပါယ် တီ ခုဝ်၊ အန် နပ် အုဝ် တူ မိုဝ်း ဒီ ဘူင် မှာပ် ဒီ အာတ့် အန် ဇဝ်။ အုဝ် မိူဝ် တူ မိုဝ်း ဒီ ဘူင် လုတ့် မဲ ခုန်ဒီခမ်။”

အုဝ် ဟဲ့ ဘ့လေး အာမိင် တဲး ဘေ ဒူအီ အီ ကွယ် ခဲင် မာန် မိူင် ပီ အိုပ် အုဝ် နီ ယုဝ် ဘော ရုဝ်ဆေ ဇဝ်ဖြာ ပီ ကြိုပ် အာဒါနေလ။ ခုဝ်၊ အန် ဇဝ် မုး ဇဝ်ဖြာ အီ အိမ်။ အန် ဘော အိုပ် ဘော ယွတ် မဲန် ကာဒါယ် နီ ဆေဆေ။ မာန် မိူင် ပီ အိုပ် အန် မိူဝ် တူ လိုဝ် တူ ဟြာယ် ဒေါ မှဝ်။ မိူင် ပီ အိုပ် အန် မိူဝ်၊ န့ တူ နပ် ဒီ ဆိူတ်၊ အာဝ် နပ် ဒီ တူတ့် ဒေါ မှဝ်။ အန် ဇဝ် ဘော မုး ဇဝ်ဖြာ အီ ပွိုန် ချွတ် အေ။ အန် ဇဝ် မိူဝ် နပ် ဒီ ဘူင် အီ မွှိုမ် အာမ် ကာဆဝ် ဘဲန် မျုဝ် ဘဲန် မျုဝ် ဘော ခဲင် ဂါင်ဟြာဝ် ဘော ဒဲင် ကာဒါယ်။ အန် မိူဝ် ဟဲ့ ချွတ် အာဒါနေလ တဲး အန် လွတ် ယမ် ဒီ မာခြင်ဆီ။”

ဝါယ် အန် တီ ခုန်ဒီခမ် ဘော ဝီ ဒွါ အာမိင်၊ တဲး ဂေ မှေတ့် အာဒါနေလ ဟာဝ် ဘျွာ အန် ခဲင် ကာဒဝ် မာခြင်ဆီ။ ခုန်ဒီခမ် ဝီ ကာလာင် ဒီ အာဒါနေလ တဝ်း၊ “တဲး ဇဝ်ဖြာ ပီ ကြိုပ် မဲ ချွတ် မဲ။”