Versets bíblics populars de ᤖᤥᤔᤡ 6

Comparteix

ᤌᤣᤀᤠᤱᤓᤧᤸᤗᤧ ᤗᤠᤕᤥᤖᤧ ᤀᤠᤒᤡᤒᤠ ᤏᤠᤶᤕᤠᤰᤁᤡᤱᤃ ᤛᤡᤔᤧᤴᤗᤥ. ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤶᤓᤠ ᤀᤠᤒᤡᤒᤠ ᤐᤷᤎᤠ᤺ᤶᤔᤡᤱᤃ ᤀᤠᤏᤡ᤹ ᤍᤠᤱᤒᤠ ᤂᤪᤡᤛ᤻ᤋ ᤕᤧᤛᤢᤀᤥᤗᤠᤶ ᤔᤧᤴᤏᤢᤵᤔᤏᤠᤒᤠ ᤜᤡᤱᤔᤴᤗᤥ॥

ᤂᤡᤏᤡ᤹ ᤛᤶᤍᤠᤱ ᤗᤠᤕᤥᤴ ᤕᤢᤰ ᤆᤥᤰ ᤔᤧᤒᤠᤱᤄᤧᤶᤔᤡᤴᤏᤧ᤹. ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ ᤛᤠᤶᤕᤥᤌᤡᤶᤔᤡᤸᤗᤧ ᤁᤢᤕᤢᤰᤁᤥ ᤁᤧᤜᤥ᤺ᤵᤋᤡ᤹. ᤁᤖ ᤏᤡᤱᤘᤠ᤹ᤑᤢ ᤗᤢᤱᤃᤢᤶᤔᤡᤸᤗᤧ ᤁᤢᤕᤢᤰᤁᤥ ᤁᤧᤘᤕᤡ᤹ᤖᤥ॥

ᤂᤧᤸᤗᤧᤆᤥᤃᤢᤸᤗᤧ ᤀᤠᤏᤡ᤹ᤃ ᤒᤵᤋᤡᤛ᤻ᤔᤠᤗᤠᤶ ᤛᤡᤔᤧᤴᤏᤥ ᤂᤢᤏᤧ᤹ᤏᤢ ᤀᤠᤜᤢᤶᤛᤡᤱ. ᤜᤧᤰᤁᤣ᤺ᤸᤗᤧ ᤂᤪᤡᤛ᤻ᤋᤧᤴ ᤐᤠᤏᤢᤍᤡᤱ ᤐᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤡᤔᤡᤍᤡᤱᤃᤧᤴ ᤁᤢᤔᤢᤰᤛᤠᤶᤔᤡᤸᤗᤧ ᤛᤡᤔᤧᤴᤗᤠᤶᤒᤠ ᤁᤢᤜᤡᤱᤘᤧᤳ ᤆᤥᤃᤢᤒᤠ ᤁᤢᤀᤡᤛᤡᤰ ᤀᤠᤏᤡ᤹ᤀᤠᤱ ᤁᤢᤛᤱ ᤜᤡᤱᤔᤴᤏᤥ ᤀᤠᤜᤡᤱᤗᤥ॥

ᤂᤡᤏᤡ᤹ ᤌᤰᤁᤥᤒᤠ ᤕᤠᤶᤗᤰᤜᤠ᤹ ᤋᤠᤵᤑᤧ᤺ᤶᤒᤠ ᤕᤠ᤺ᤶᤒᤰ ᤆᤥ᤺ᤰᤔᤠᤖᤧ ᤗᤠᤃᤡ ᤗᤠᤕᤥᤴ ᤔᤧᤍᤥ᤺ᤴᤍᤧᤶ ᤔᤧᤒᤡᤖᤧᤶᤔᤡᤴᤏᤧ᤹॥ ᤂᤧᤸᤗᤧ ᤁᤢᤗᤧᤰᤘᤠ ᤛᤡᤔᤧᤴᤗᤠᤶ ᤜᤡᤱᤔᤴᤏᤥ ᤁᤧᤍᤠᤒᤠ ᤔᤏᤠᤜᤠ᤹ ᤁᤢᤀᤡᤛᤡᤰ ᤂᤡᤏᤡ᤹ ᤀᤠᤒᤠᤅᤣ ᤏᤡᤱᤘᤠ᤹ᤑᤢᤔᤠᤱᤅᤥ ᤋᤥ᤺ᤴᤏᤠ᤹ᤛᤡᤶᤔᤧ᤹. ᤜᤧᤰᤁᤩᤠᤱ ᤂᤡᤏᤡ᤹ ᤕᤠᤶᤗᤰᤜᤠ᤹ ᤛᤠᤶᤕᤥᤒᤠ ᤕᤠ᤺ᤶᤒᤰ ᤆᤥ᤺ᤰᤔᤠᤖᤧ ᤗᤠᤃᤡ ᤏᤡᤱᤘᤠ᤹ᤑᤢᤔᤠᤱᤅᤥ ᤋᤥ᤺ᤴᤍᤧᤶᤔᤧ᤹ᤀᤥ॥

ᤗᤠᤕᤥᤸᤗᤧ ᤁᤢᤕᤢᤰᤁᤡᤴ ᤀᤠᤏᤡ᤹ ᤜᤡᤱᤔᤴᤏᤥᤗᤠᤶ ᤔᤧᤰᤗ ᤜᤧᤰᤁᤩᤠᤱ ᤀᤠᤸᤗᤀᤠᤱᤎᤥ ᤗᤠᤕᤥᤖᤧ ᤁᤢᤕᤥ᤺ᤰᤐᤠ ᤀᤠᤶᤒᤥᤱᤅᤡᤴᤗ ᤑᤠ᤹ᤀᤠᤱ ᤀᤠᤏᤡ᤹ ᤋᤃᤡᤛᤔᤠ ᤜᤡᤱᤔᤴᤏᤡᤴ ᤂᤪᤡᤛ᤻ᤋᤧᤴᤏᤢ ᤛᤡᤗᤠᤶᤛᤠᤰᤔᤠ ᤛᤡᤱᤅᤥ ᤑᤥ᤺ᤴᤍᤧᤀᤠᤱ ᤘᤠ᤹ ᤁᤧᤗ᤹ᤒᤠᤴ ᤁᤢᤛᤡᤱ ᤀᤠᤏᤡ᤺ᤳᤋᤢᤶ.

ᤜᤧᤰᤁᤣᤗ᤹ᤖᤡᤰᤁᤣ ᤁᤢᤛᤡᤘᤧᤳ ᤔᤏᤠ᤺ᤸᤗᤧ ᤗᤠᤕᤥ ᤔᤧᤈᤥᤃᤢᤶᤒᤠ ᤁᤢᤀᤡᤛᤡᤰ ᤂᤡᤏᤡ᤹ ᤗᤠᤕᤥ ᤆᤥ᤺ᤰᤔᤠᤀᤥ ᤁᤧᤛᤩᤧ᤹ᤀᤡ ᤁᤖ ᤂᤪᤡᤛ᤻ᤋ ᤕᤧᤛᤢᤴ ᤏᤢ ᤌᤡᤰᤜᤢᤵ ᤁᤧᤒᤥ᤺ᤰᤂᤡᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤋᤠᤔᤠᤖᤧ ᤗᤠᤃᤡ ᤁᤧᤜᤡᤅᤡᤒᤠ ᤑᤠ᤹ᤀᤠᤱ ᤏᤡᤱᤘᤠ᤹ ᤀᤡ᤺ᤳᤋᤧᤶᤔᤧ᤹ᤀᤥ॥

ᤀᤠᤸᤗ ᤀᤠᤏᤡ᤹ ᤌᤣ ᤐᤠ᤺ᤵᤔᤠᤒᤣ᥅ ᤗᤢᤱᤃᤢᤶᤔᤡᤴ ᤀᤠᤳᤋᤠᤳᤋᤠᤴᤏᤣ ᤀᤠᤄᤥᤛᤢᤶᤗ ᤑᤠ᤹ᤀᤠᤱ ᤗᤠᤕᤥ ᤆᤥ᤺ᤰᤔᤠᤖ ᤘᤠ᤹ᤔᤠᤒᤡ᥅ ᤔᤣ᤺ᤴᤗᤥ᥄ ᤜᤧᤰᤁᤣ ᤆᤥ᤺ᤰᤔᤠ ᤔᤧᤏᤢ᤹ᤏᤧᤴᤗᤥ᥄ ᤀᤠᤏᤡ᤹ᤃ ᤁᤢᤛᤡᤘᤧᤳ ᤔᤏᤠ ᤜᤧᤰᤋᤱᤒᤠ ᤀᤠᤈᤥ᤺ᤰᤗᤥ. ᤜᤧᤰᤁᤩᤠᤱ ᤀᤠᤸᤗ ᤗᤠᤕᤥᤸᤗᤧ ᤁᤢᤕᤢᤰᤁᤥ ᤀᤠᤴᤘᤠ᤹ᤏᤧᤴᤗᤥ॥ ᤜᤧᤰᤁᤣ᤺ᤸᤗᤧ ᤀᤠᤸᤗᤀᤠᤱᤎᤥ ᤗᤠᤕᤥ ᤆᤥ᤺ᤰᤔᤠᤖ ᤘᤠ᤹ᤔᤠ ᤔᤧᤏᤢ᤹ᤏᤧᤴᤗᤥ॥

ᤀᤠᤳᤋᤡᤴᤜᤠ᤹ ᤀᤡᤱᤈᤠᤱ ᤂᤧᤶᤔᤠ ᤁᤧᤍᤧᤴᤍᤡ᤹. ᤒᤠ ᤂᤧᤸᤗᤧ ᤁᤢᤕᤥ᤺ᤰᤐᤠ ᤁᤧᤒᤥ᤺ᤰᤂᤡ᤹ ᤁᤧᤗ᤹ᤒᤠᤴ ᤁᤧᤴᤏᤡᤛᤢᤶᤔᤡᤴᤒᤡ᥅ ᤗᤠᤕᤥᤸᤗᤧ ᤁᤢᤕᤥ᤺ᤰᤐᤠ ᤁᤧᤒᤥ᤺ᤰᤂᤡ᤹ᤏᤧ ᤑᤠ᤹ᤃᤪ ᤂᤡᤏᤡ᤹ ᤁᤧᤛᤩᤧ᤹ᤀᤡ. ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤀᤡᤱᤈᤠᤱᤅᤡᤴ ᤁᤧᤄᤧᤵᤛᤢᤶᤏᤧ ᤑᤠ᤹ᤃᤪ ᤂᤡᤏᤡ᤹ ᤛᤠᤶᤕᤥᤒᤠ ᤁᤧᤒᤥ᤺ᤰᤂᤡ᤹ᤖᤥ॥

ᤁᤖ ᤂᤡᤏᤡ᤹ ᤗᤠᤕᤥᤸᤗᤧ ᤁᤢᤕᤥ᤺ᤰᤐᤠ ᤁᤧᤒᤥ᤺ᤰᤂᤡᤀᤠᤱ ᤁᤧᤘᤕᤡᤛᤠᤱ. ᤀᤠᤸᤗ ᤂᤡᤏᤡ᤹ ᤁᤧᤜᤢ᤹ᤀᤠᤛᤡᤒᤠ ᤏᤡᤛᤠᤶᤔᤡᤴ ᤛᤡᤰᤗᤢᤱᤔᤥᤏᤢᤀᤣ ᤁᤧᤀᤡ᤺ᤵᤐᤠ ᤁᤧᤏᤠ᤺ᤵᤐᤠ ᤁᤧᤒᤥ᤺ᤰᤂᤡᤀᤠᤱ ᤁᤧᤘᤕᤡᤒᤠᤀᤥ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤥᤃᤧᤴᤗᤥ॥ ᤂᤡᤏᤡ᤹ᤃ ᤗᤠᤕᤥᤗᤠᤶ ᤆᤥ᤺ᤰᤕᤢᤶᤓᤥ ᤁᤧᤄᤥᤛᤢᤶᤔᤠᤱ ᤛᤠᤶᤕᤥᤒᤠ ᤕᤠ᤺ᤶᤒᤰ ᤆᤥ᤺ᤰᤔᤠ ᤑᤠ᤹ᤀᤠᤱ ᤁᤢᤕᤥ᤺ᤰᤐᤠ ᤁᤧᤒᤥ᤺ᤰᤂᤡᤀᤠᤱ ᤁᤧᤘᤕᤡ᤹ᤖᤥ॥