Versets bíblics populars de ᤖᤥᤔᤡ 5

Comparteix

ᤁᤖ ᤀᤠᤏᤡ᤹ ᤗᤠᤕᤥᤀᤥ ᤀᤠᤘᤕᤧᤸᤗᤧᤛᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤪᤡᤛ᤻ᤋᤧᤴ ᤀᤠᤏᤡ᤹ ᤗᤠᤃᤡ ᤛᤡᤔᤠ ᤐᤠᤱᤄᤢᤀᤠᤱ ᤗᤢᤱᤔᤠ᤹ ᤀᤠᤍᤢᤰᤋᤧᤒᤠ ᤐᤠ᤺ᤴᤏᤡᤴ ᤂᤢᤏᤧ᤹ ᤀᤥᤛᤣ᤺ᤴᤀᤠᤎᤠᤰᤋᤧᤖᤥ॥

ᤜᤧᤰᤁᤣᤗ᤹ᤖᤡᤰ ᤏᤡᤱᤛᤠᤱ ᤀᤠᤈᤥᤃᤢᤶᤔᤡᤸᤗᤧ ᤀᤠᤏᤡ᤹ ᤏᤡᤱᤛᤠᤱ ᤔᤧᤒᤢᤰᤏᤧᤴᤗᤥ. ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤠ᤹ᤖᤡᤰ ᤗᤢᤱᤔᤠ᤹ ᤀᤠᤍᤢᤰᤋᤧᤀᤠᤱ ᤘᤠ᤹ ᤁᤧᤗ᤹ᤒᤠᤴ ᤂᤢᤏᤧ᤹ ᤀᤠᤒᤡᤖᤧᤒᤠ ᤛᤣᤛᤣᤔᤠᤱᤗᤠᤶ ᤀᤠᤏᤡ᤹ ᤛᤡᤰᤗᤢᤱᤔᤥ ᤏᤡᤱᤘᤠ᤹ ᤀᤠᤄᤥᤛᤢᤶᤗᤥ॥

ᤜᤧᤰᤁᤣᤖᤰ ᤔᤣ᤺ᤴ. ᤁᤖ ᤀᤠᤏᤡ᤹ ᤏᤛᤠᤴ ᤀᤠᤈᤥᤃᤢᤶᤒᤠᤸᤗᤧ ᤆᤥᤃᤢᤸᤗᤧ ᤀᤡᤏᤥᤃᤧᤴ ᤋᤢᤰᤂᤣ ᤗᤠᤰᤂᤣ ᤀᤠᤍᤢᤔᤢᤶᤔᤡᤸᤗᤧᤀᤣ ᤀᤠᤛ᤺ᤳᤗᤥ. ᤌᤣᤀᤠᤱᤓᤧᤸᤗᤧ ᤀᤡᤏᤥᤃᤧᤴ ᤋᤢᤰᤂᤣ ᤗᤠᤰᤂᤣ ᤀᤠᤍᤢᤔᤢᤶᤔᤡᤸᤗᤧ ᤀᤠᤸᤗᤛᤠᤱ ᤕᤖᤡᤰ ᤏᤠᤛᤡᤌ᤺ᤵᤔᤠ ᤀᤠᤛᤢᤰᤋᤢᤶ ᤁᤧᤗ᤹ᤒᤠᤴ ᤀᤠᤏᤡᤛᤢᤶᤔᤠᤱ ᤀᤠᤘᤠ᤹ᤖᤥ. ᤜᤧᤰᤁᤩᤠᤱ ᤏᤠᤛᤡ ᤀᤠᤎ᤺ᤳᤋᤢᤶᤔᤡᤸᤗᤧ ᤏᤢᤒᤠ ᤕᤧᤵᤗᤧᤰ ᤀᤠᤄᤥᤛᤢᤶ. ᤜᤧᤰᤁᤩᤠᤱ ᤏᤢᤒᤠ ᤕᤧᤵᤗᤧᤰ ᤀᤠᤃᤳᤋᤢᤶᤔᤡᤸᤗᤧ ᤛᤧᤴᤗᤵ ᤀᤠᤄᤥᤛᤢᤶᤔᤣ ᤑᤠ᤹ᤀᤠᤱ ᤀᤠᤸᤗᤛᤠᤱ ᤕᤖᤡᤰ ᤏᤡᤱᤛᤠᤱ ᤀᤠᤈᤥᤃᤢᤶᤗᤥ॥

ᤂᤧᤸᤗᤧᤆᤥᤃᤢᤸᤗᤧ ᤏᤛᤠᤴ ᤀᤠᤈᤥᤃᤢᤶᤒᤠᤸᤗᤧ ᤀᤠᤵᤋᤡᤰ ᤔᤣ᤺ᤴᤏᤣᤒᤠ ᤀᤠᤒᤥ᤺ᤰᤂᤧᤀᤠᤱ ᤀᤠᤏᤡ᤹ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤗᤠᤶᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤴᤏᤢ ᤀᤠᤏᤡ᤹ ᤏᤠᤍᤱ ᤐᤥ᤺ᤰᤂᤧᤀᤠᤱ ᤘᤠ᤹ᤖᤥ॥ ᤀᤠᤏᤡ᤹ ᤏᤛᤠᤴ ᤀᤠᤈᤥᤃᤢᤶᤒᤠᤸᤗᤧ ᤕᤧᤛᤢ ᤂᤪᤡᤛ᤻ᤋᤖᤧ ᤁᤴ ᤗᤢᤱᤃᤢᤶᤔᤥ ᤀᤠᤍᤠᤖᤧᤀᤠᤱ ᤘᤠ᤹॥ ᤀᤠᤸᤗᤥ ᤜᤠᤒᤠ ᤂᤧᤴ ᤗᤢᤱᤃᤢᤶᤔᤥᤀᤣ ᤀᤠᤘᤠ᤹. ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤡᤔᤡᤍᤡᤱᤅᤡᤴ ᤂᤥᤔᤠ ᤗᤰ ᤀᤠᤄᤥᤛᤢᤶᤔᤣᤖᤥ ᤑᤠ᤹ᤀᤠᤱ ᤀᤠᤛ᤺ᤳᤗᤥ॥

ᤀᤠᤏᤡ᤹ ᤗᤠᤕᤥᤗᤠᤶ ᤀᤠᤒᤠᤅᤣ ᤋᤠᤱᤛᤧ᤺ᤵᤛᤡᤱᤔᤠ ᤔᤧᤴᤇᤢᤰᤔᤏᤠᤒᤠ ᤀᤠᤒᤥ᤺ᤰᤂᤧᤀᤠᤱ ᤀᤠᤘᤕᤧᤸᤗᤧ ᤛᤢᤕᤧᤶᤔᤥ ᤗᤠᤕᤥᤒᤠᤜᤠ᤹ᤖᤧ ᤗᤠᤃᤡ ᤂᤪᤡᤛ᤻ᤋᤧᤴ ᤛᤩᤧᤖᤥ॥

ᤂᤧᤸᤗᤧᤆᤥᤃᤢᤸᤗᤧ ᤀᤠᤏᤡ᤹ᤃ ᤂᤪᤡᤛ᤻ᤋᤖᤧ ᤁᤢᤔᤠᤰᤂᤡ᤹ᤀᤡᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤔᤠᤀᤥ ᤀᤠᤵᤋᤡᤰ ᤔᤣ᤺ᤴᤏᤣᤒᤠ ᤀᤠᤒᤥ᤺ᤰᤂᤧᤀᤠᤱ ᤀᤠᤘᤠ᤹ᤒᤠᤸᤗᤧ ᤆᤥᤃᤢᤸᤗᤧ ᤂᤪᤡᤛ᤻ᤋᤖᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤄᤢᤶᤍᤡᤱᤗᤠᤶ ᤛᤧᤰᤂᤠᤀᤣ ᤋᤠᤱᤀᤠᤛᤧ᤺ᤵᤗᤥ॥

ᤌᤣᤀᤠᤱᤓᤧᤸᤗᤧ ᤌᤡᤰ ᤔᤏᤠ᤺ᤸᤗᤧ ᤏᤡᤱᤘᤠ᤹ᤑᤢ ᤀᤡᤱᤈᤠᤱ ᤑᤧ᤺ᤴᤍᤢᤒᤠᤸᤗᤧ ᤆᤥᤃᤢᤸᤗᤧ ᤕᤖᤡᤰ ᤔᤏᤠᤜᤠ᤹ ᤗᤠᤕᤥᤒᤠ ᤔᤧᤒᤥ᤺ᤰᤂᤧᤒᤠ ᤜᤧᤰᤁᤣᤀᤣ ᤗᤳᤇᤠ ᤔᤏᤠ᤺ᤸᤗᤧ ᤏᤡᤱᤘᤠ᤹ᤑᤢ ᤀᤡᤱᤈᤠᤱᤅᤡᤴ ᤋᤧᤴᤍᤡᤱ ᤆᤥᤃᤢᤒᤠᤸᤗᤧ ᤆᤥᤃᤢᤸᤗᤧ ᤕᤖᤡᤰ ᤔᤏᤠᤜᤠ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤔᤠᤀᤥ ᤛᤠᤶᤕᤥᤒᤠ ᤔᤧᤒᤥᤱᤗᤥ॥

ᤂᤧᤴ ᤐᤠ᤺ᤴᤏᤥᤖᤰ ᤔᤣ᤺ᤴ. ᤁᤖ ᤏᤡᤱᤘᤠ᤹ᤑᤢᤔᤠᤱᤅᤥᤀᤠᤱ ᤀᤠᤛ᤺ᤳᤗᤥ. ᤌᤣᤀᤠᤱᤓᤧᤸᤗᤧ ᤀᤠᤏᤡ᤹ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤗᤠᤶ ᤏᤡᤱᤘᤠ᤹ᤑᤢᤔᤠᤱᤅᤡᤴᤏᤢ ᤀᤠᤏᤡ᤹ ᤏᤠᤍᤱ ᤐᤥ᤺ᤰᤂᤧᤀᤠᤱ ᤘᤠ᤹ᤖᤥ॥