Versets bíblics populars de SANTIAGO 3

Comparteix

akoi vɨreko va'e rumo Tüpä suindar arakwasa, a'e vɨreko itera opakatu ava rovake gweko maräne'ɨ̇sa iyavei sekoira gweko mbegwesa pɨpe; a'e ndaseko asɨi chiaveira. Iyavei oyemoigätu voi va'e, a'e oporoparaɨsuereko va'e, nomboyoavɨratɨi va'e gwekokwer, a'e ipɨ'a ñemoñetasa ñepëi reseve va'e iyavei oyapo tuprɨ va'e mba'e.

Akoi oimese pe pa'üve yarakwa va'e oyapɨsaka va'e avei, tomboyekwa katu gweko katuprɨsa, gweko mbegwesa avei omba'ekwa tuprɨsa pɨpe.

Iyavei akoi oseka va'e mba'e tuprɨ yepi, oipɨsɨra opɨ'a pɨpe teko ɨ̇visa.

Oimese poreroɨrösa iyavei poroamotare'ɨ̇sa mba'e potaraisa pɨpe, a'eve avei oime opakatu mba'e naporäi va'e

Ko yande apëku pɨpe yamboetei yande Yar Tüpä, ipɨpe avei rumo yamomarä ava, a'e ava rumo Tüpä oyapo onungar tuprɨ ite. Egwë e'i ete, yande ñe'ë pɨpe yamboetei Tüpä, ipɨpe avei yaroɨrö ava. Che rɨvrɨ eta, ndiyai evokoi nungar mba'e yayapo yepi.

Egwë e'i yande ñe'ësa tata nungar. Iyavei yande apëku pɨpe opakatu mba'e-mba'e tëi yamombe'u, evokoi mba'e-mba'e tëi mombe'usar yande resendar ite, a'e amove ovɨreko marä opakatu yande rekokwer. Inungar tata ova-ova va'e mba'e rese. Evokoi yande ñe'ë tëisa karugwar suindar.

ndipoi ete rumo ava oipoepɨ va'erä oñe'ë. Iyavei yande ndayaikatui ete ipoepɨ agwä, yande ñe'ësa oporoyuka va'e nungar ite yepi.

Che rɨvrɨ eta, anichira pe pa'üve oime seta iteanga oporombo'e va'e yuvɨreko, esepia peikwa ni'ä yande oporombo'e va'e yaikose, Tüpä oporandu itera ambuae ava sui yande porombo'e agwer rese yandeu kuri.