Versets bíblics populars de Taneng 4

Comparteix

Pina'on to niharatengan ato nisafaloco'an iso, nawhani nai nisafaloco'an iso a masadak ko pinangan no 'orip iso.

Parayasen ko rarakaten a lalan iso, ta tanektek ko polong no rakat iso.

Aka pasowal to caay ko so'linay a sowal, aka pasowal to mangah a sowal.

O pilongoc to taneng ko sakakaay a dmak, ka o polong no dafong iso ko sapifalic a miala to fana'.

O lalan no mo^celay a tamdaw i, matiya o ta^ngad to kaniharan, ta^ngad a ta^ngad a matdi tangasa i kalahokan. O lalan no tatiihay a tamdaw i, sato'man sa a matiya o rawdengan, mapolin cangra i, caay ka fana' to nika o maan ko katahafikodan nangra.

Aka pifalah to taneng, ta dipoten nira kiso, ano maolah kiso to taneng i, dipoten nira kiso a parihaday.

Pakifaloco'en a mararid ko minanaman iso, o nilayapan iso a sifana' i, o sakaci'orip iso.

Aka ka romakat to lalan no tatiihay a tamdaw, aka pinanam to pinangan no tatiihay a tamdaw.

Wawaaw, pitngil to sifana' no wama namo, sarocoden ko faloco' a milayap, ta mafana' kamo.