Versets bíblics populars de Taneng 3

Comparteix

Sarocoden ko faloco' a miti'er to TAPANG. Aka piti'er to fana' iso. I masamaamaanay a dmak iso i, pasayraen i TAPANG ko faloco' iso. Ta pasifana'en Ningra kiso to mo^celay a lalan iso.

O citanengay kako aka ka saan kiso, deng o pita'ong to TAPANG a ccay ko nga'ay, liyasen ko tatiihay.

Alaen ko safangcalay a kinaira no omah iso a pacakat to sapahmek to TAPANG. Ano haenen iso i, o mamatomes ko 'ariri iso to panay. Caay ko mama^deng ko koreng iso to piparoan to fa^lohay a ^pah.

Aka piliyas kiso to mo^celay so'linay a dmak, ca'dongen i li'el iso, tiliden i faloco' iso konini.

Wawaaw, aka pisakahmaw to nipipalatamdamdaw no TAPANG i tisowanan ato aka pisakatalifokil to pipakmel ningra. Nawhani toro'en no TAPANG ko raraw no kaolahan Ningra a tamdaw, matiya o pitoro' no mama to raraw no kaolahan ningra a wawa.

Wawaaw, aka pitawal to sifana' ako, pakifaloco'en ko sifana' ako. O sakarihaday iso to romi'ami'ad ko sifana' ako ato sakako'daw no 'orip iso.

O pakakilimay to taneng ato pakatamaay to fana' a tamdaw i, o malmeday. Ikaka no ^kim ato tada^kim ko nika ci^poc no taneng. Ikaka no odo' ko nika ci^poc no taneng. Ano o maamaanto a kangalayan iso a dafong i, awaay ko mama^deng a sapasasotiri' tonini.

Sa'icelen a midmak to nga'ayay, padamaen ko papadamaen a tamdaw.

Pakaynien no TAPANG i taneng Ningra ko nipisanga' to hkal, pakaynien Ningra i fana' Ningra ko pipatli a patireng to kakarayan.