Versets bíblics populars de Marko 6

Comparteix

Esia yome la, amewo nɔ wo gbɔ vam ale gbegbe be womekpɔ vovo aɖu nu gɔ̃ hã o. Eya ta Yesu gblɔ na wo be: “Miva ne míayi ɖe teƒe si ame aɖeke mele o la dzaa, ne miadzudzɔ ʋɛ.”

Ke Yesu gblɔ na wo be: “Amewo dea bubu Mawu ƒe gbeƒãɖela ŋu le afi sia afi, negbe le eya ŋutɔ wo de, eƒe ƒometɔwo kple eya ŋutɔ ƒe aƒemetɔwo dome ko womebunɛ le o.”

Esi Yesu ɖi go la, ekpɔ ameha gã aɖe, eye eƒe dɔme trɔ ɖe wo ŋu, elabe wole abe alẽ siwo nu kplɔla mele o la ene. Efia nu geɖe wo.

Ale mete ŋu wɔ ŋusẽdɔ geɖe le afi ma o. Dɔléla ʋɛ aɖewo ko dzi wòda asi ɖo heda gbe le wo ŋu. Wo detɔwo ƒe dzimaxɔse wɔ nuku nɛ ŋutɔ. Yesu tsa le kɔƒe siwo ƒo xlã afi ma la me hele nu fiam amewo.

Yesu tsɔ abolo atɔ̃ kple tɔmelã eveawo, eye wòwu mo dzi heyra ɖe wo dzi. Eka aboloawo na eƒe nusrɔ̃lawo, be woama na ameawo, eye woma kalãmi eveawo hã ɖe wo katã dome. Ame sia ame ɖu nu, ɖi ƒo. Azɔ esi woƒo abolo kple kalãmi kakɛ siwo susɔ la nu ƒu la, kusi wui eve yɔ taŋ.