Versets bíblics populars de Lug 12

Comparteix

Mbə̰ inən bə chùʼri ìwən nyɔd imbə̀ʼ icheg ne, Ŋwan Wə̀d biri bə yeʼe ane nyumə̀ ne chəyi wə̀d kyèri.”

Anyumə̀ ne mbə̀ zi fìŋ yaʼ ane anug ìfɔ̀n məd, wì biri nàʼ ighi mbo̰ ijìm inən.

Wì ya si ghà abə inɔ̰ bəd we gha, “Mbə̀ pata awən bə̀ we awən imbə̀ʼ anug ni ghə̀ʼrì ighi. Chəyi wə̀d we kweʼè chùghə izɔm imbə̀ʼ icheg ne wì beri ighi nɔʼ nɔʼ.”

Mbə̀ kyeri gha, asiŋi ne ìmbe ighi yaʼi angu, à ya angu ne ìze fìŋ biri bə yaʼ.

Àkə we ne kyeri yètì iki nyumə̀ ane ìwi ìtḛ̀ igun isəg, ane inwiʼi nyɔd?

Yeso ya ghà abə mə̀mə̀nənùg məd gha, “Imbə̀ʼ mbə̰ nwìʼè awən nyɔd imbə̀ʼ ìtḛ̀ gha mbə̀ kə ghi jəg aghə? Kə̀ imbə̀ʼ ìtən nyàmnyɔd gha mbə̀ kə ghi zì aghə?

Tesiʼ ya gha, kə̀ bèyi ìtən nyɔ̀ŋì atog, Ŋwiye fə taŋ. Ane, imbə̀ʼ mbə̰ bɔ awən. Mbə̰ ya ighi ne ka inun chè tèghubàʼ ndan ndàn.

Ìmbum bɔn njə̀g, imbə̀ʼ mbə̰ bɔ awən. Ìwən mbaʼ gyèndi kwàʼ ako ni nàʼ anug ìfɔ̀n ikaŋ inən.

Mbə̀ nḛ tìnən icheg àŋa. Chəyi te wèrè ngwèd kə̀ bə̀ nìŋə ighi a mben. Chəyi ti beri itog nəb ni ya nɔ̀ŋɔ̀ ighi kə̀ bə̀ bèrì ngən. À ya Ŋwiye ya jə awɔb. Àsi awən, mbə̰ ya ighi àka inun ne che tìnən.

Imbə̀ʼ mbə̰ chə awən ìwən nyɔd ane aghi ni jəg kə̀ ni no.

À ya Ŋwiye we zìyè ndwi igun agyen ne tèchɔ̀ŋ ze kweg, isu ze ku, zɔm, mbi tɔ̀n inga iywid. Mbə̰ si kɔ̀ndi gha, chəyi Ŋwiye biri zì ndwi igun inən? Mbə̰ ya kwàʼ bəd ne ibḛfiŋ kə!

Chəyi aghi mɔ̀ʼɔ ne yaʼi inə̀mbi ne chəyi ze biri ghum dù asaŋ. Chəyi bə̀ ìsə mɔ̀ʼɔ ne yaʼ inə̀mbi ne chəyi bəd biri ghum kyeri.