Versets bíblics populars de Lug 11

Comparteix

Mbə̰ bəd inug tibɔ̀ŋ kə mə̀ kyèri icheg ni nàʼ ighi chɔm chɔm abə ìmbən bɔn, mbə̀ si kɔ̀ndi icheg ne Mbaʼ we ikaŋ àbɔ̀ŋɔ biri nàʼ Azwighi Ŋwiye abə bəd mbe ne bìre ibo.”

Ane, mə ghà inən gha, mbə̀ biri, Ŋwiye biri nàʼ inən. Mbə̀ kəbə, Ŋwiye biri ghì mbə bàd. Mbə̀ gɔngi, Ŋwiye biri fìʼì inuʼ nəb inən.

Tesiʼ ya gha, wə̀d ijìm ne biri, Ŋwiye biri nàʼ ibo. Wə̀d ne kə̀bi, Ŋwiye biri ghì wì bàd. Wə̀d ne gɔngi, Ŋwiye biri fìʼì inuʼ nəb ibo.

Yeso ya ghà inɔb gha, “Anyumə̀ ne mbə̰ mbe chàʼrà Ŋwiye, mbə̀ gha gha, ‹Ìwa Mbaʼ, ghìyə gha bəd ghumni ìwe ikum. Àze anug ìfɔ̀n ze yeʼe.

Waʼ ìmba inug tibɔ̀ŋ icheg ne te bə̀ wàʼa inug tibɔ̀ŋ abə bəd mbe ne bə̀ gùghə̀ inug ina. Imbə̀ʼ àghò bḛ awe gha, àkwàʼrì ne ka nyi igun ina.›”

Nàʼa ighijəg ne koʼi ina igun ineg.

Ìwe ighə ya anam abə ìze nyàmnyɔd. Àze aghə mə̀ yaʼ icheg chɔm, ìze nyàmnyɔd biri bèrì ìzḛzḛ. Àsi ne chəyi àze aghə yaʼi icheg chɔm, ìze nyàmnyɔd ijìm biri yaʼ afub.

Yeso ya ywìrì chè imbìghè gha, “Chəyi wə̀d mɔ̀ʼɔ ne che anam nə̀mə̀, kə kùbrə aton akwighe. Mbi ya che anam nɔ̀ŋɔ̀ asaŋ, imbə̀ʼ bəd ya bàrà isiŋi anyumə̀ ne mbi nyi inga nəb.