Versets bíblics populars de Titodyes 3

Comparteix

Chat qui ayij mọꞌ tupudyeꞌ, muꞌ Jenꞌ Jiꞌc̣honsinꞌtyiꞌ tsun jutete muꞌ Jesucristo, muꞌyaꞌ qui jiꞌcaviyisinꞌ mạꞌjitidyes muꞌ judyeyaꞌ jämꞌyedyeꞌ muꞌ. Muꞌ qui jiꞌc̣honsinꞌ tsun, jam qui namꞌ ĉụiꞌsiꞌyaꞌ jämꞌyedyeꞌ tsun, junꞌ chuc rụij bäꞌjaꞌ. Muꞌdye mọmoꞌ ñịbeꞌ ĉúsinꞌ jiꞌc̣honsinꞌ tsun, ĉụiꞌsiꞌyaꞌ Ạꞌedyeꞌ muꞌ. Muꞌ c̣hiconꞌjisinꞌ tsun aty soꞌmisinꞌyaꞌ Ạꞌedyeꞌ muꞌ, mọꞌyaꞌ qui naꞌebajshaꞌ Jenꞌdyes tsun, yocsiꞌ qui aty dyijyedyeꞌ meꞌchujaꞌ. Muꞌ Jenꞌ yi paj qui muꞌ Jesucristo muꞌ Jiꞌc̣honsinꞌtyiꞌ tsun, paj qui muꞌ soꞌmisinꞌ Ạꞌedyeꞌ muꞌ mijam damꞌ quijatutyisinꞌ soꞌmisinꞌ, judyeyaꞌ därsiꞌyaꞌ ñịbeꞌjitidyes muꞌ rụij yuꞌsinꞌ ĉụiꞌsiꞌyaꞌ vej muꞌ, q̂uinꞌ aty Jenꞌdyety tsun, Jenꞌyaꞌ qui raꞌ bäꞌjaꞌ tsun, mọꞌ bisvaꞌquejas tsun

Jéyacseva quivij muꞌin anicjetety Jenꞌ in paj qui chicacsi muꞌin jacchety ayoꞌ in, räjtumdye bäꞌyedyeꞌĉantyiꞌ fer buꞌyity in, jemoñeꞌ seꞌvacsebi yụꞌtacdyeꞌ muꞌin, paj qui rụij bäꞌyi in. Jéyacseva chimeꞌ paj qui jam yirity muntyiꞌ ac̣hiꞌ p̂iyiti in, paj qui jam chimeꞌ vaj meij doroiꞌjitidyeij in, jemoñeꞌ jämꞌyedyeꞌtum bäꞌyi in räjtum muntyiꞌ in.

Jam qui na ramꞌ dyijtuiꞌ mi urucyas p̂eyacdyeꞌ muntyis muꞌin, mọꞌ itŝis dyijyedyeꞌ. Jam raꞌ dyijtuiꞌ chimeꞌ mi sánacdyeꞌ tịj jiquej muꞌin, mijam raꞌ vaj meij jítidyeij mi muꞌintum in vaꞌve jeptety yụꞌtacdyeꞌ Jenꞌsiꞌ in. Joꞌmes p̂eyacdyeꞌ muntyis in, anic fibis shupquiꞌ muꞌin.

Muꞌyaꞌ yirity vaꞌve dyijyity jụijyaꞌ, muꞌ yócocoj yụꞌtacsity muꞌin anicjetety Jenꞌ jụijyaꞌ in, muꞌ meꞌtyity, jéme yiriꞌ quiꞌ judyeyaꞌ päräꞌ quiꞌ. Jam mạꞌjeꞌ chäquin jụijyaꞌ muꞌ, vaꞌquecme muꞌ paj jam penꞌdyetucsi muꞌ.