Versets bíblics populars de Titodyes 2

Comparteix

Q̂uinꞌ aty jemoñeꞌ meꞌ bäꞌjaꞌ ĉaĉaij na muꞌ Jenꞌ aty jiꞌcaviyisinꞌ ñịbeꞌjitidyes muꞌ, mọꞌyaꞌ muꞌ mạꞌjeꞌ paj qui räj jiꞌc̣honsinꞌ úchety muntyiꞌ tsun. Ọij ñịbeꞌjitidyesyaꞌ muꞌ jísinꞌ paj qui farajjeyaĉaꞌ aꞌc̣his dyijyedyeꞌ tsun, mọꞌ mạꞌjeꞌsiꞌ jacches jedyeꞌ tsun, paj qui rụij bäꞌjaꞌ úcheꞌ jaccheꞌ, paj qui ĉujcatiĉaꞌ tsun paj qui yejĉojaꞌ cäc̣häꞌchuja Jenꞌ úcheꞌ jaccheꞌ

junꞌ quiꞌ chuc atsijbanyaꞌ muꞌ Jesucristo Jiꞌc̣honsinꞌtyiꞌ tsun, muꞌdye Jenꞌ mạyedyeꞌchety. Muꞌ bisvaꞌquejaty q̂uinꞌ tsun maꞌjodyeꞌtum raꞌ tiĉunja, mạijquedyeꞌtum raꞌ atsijban. Muꞌ ĉụiꞌ jiꞌujati tsundyes jiquej, paj qui jiꞌc̣honsinꞌ tsun räj aꞌc̣hisĉan jedyeꞌ, judyeyaꞌ paj qui muꞌ c̣hiconꞌjibusinꞌ aꞌc̣his jedyeꞌ ĉojtyiꞌĉansiꞌ tsun, judyeyaꞌ yuꞌsinꞌ paj qui muꞌdyety tsun, paj qui fer dyijtujaꞌ tsun junꞌ chuc raꞌ jämꞌ bäꞌjaꞌ muꞌdyes.

Meꞌ mi chimeꞌ rụij bäꞌva räjĉan, tupuj qui muꞌin cäc̣häꞌchutyin in. Rụij jịꞌchiyacseva, jam raꞌ shejvinꞌdyeꞌtum jịꞌchiyacsi mi. Rụijsis p̂eyacdyeꞌ soꞌmacseva chat qui raꞌ jam tupuj ñäñibun in. Meꞌ rụij jịꞌchiyacsi jụijyam, tsị́caij raꞌ muꞌin ñinaquity jiquej in, jam raꞌ junꞌ dacbusinꞌ tsunsiꞌ juchaj in.