Versets bíblics populars de Romaĉantyidyes 15

Comparteix

Yụ cọdyete muꞌ Jenꞌ muꞌ soꞌmisinꞌtyiꞌ raꞌ mọꞌ bisjaꞌsiꞌ, paj qui muꞌ soꞌminac maꞌjodyeꞌ ĉojtyiꞌĉandyes miꞌin, paj qui anicyedyeꞌyaꞌ Jenꞌcheꞌ miꞌin maꞌjodyeꞌtum bäꞌyi miꞌin. Chimeꞌdye yụ cọdyete muꞌ Jenꞌ paj qui mọꞌ Ạꞌedyeꞌ muꞌ soꞌminac ferdyedyes miꞌin paj qui p̂añi Jenꞌdyes miꞌin räjĉan mạyedyeꞌ.

Räj tashcheꞌmunsiꞌ sánacdyeꞌ in mọꞌ Jenꞌ yụꞌtyeꞌ tsundyes paj qui mọꞌ jiꞌchäyisinꞌ tsun. Ọij sánacdyeꞌ jiĉujshaꞌ yuꞌsinꞌ ĉojtyiꞌĉan tsun judyeyaꞌ jiꞌmaꞌyisinꞌ paj qui dyich buꞌjaꞌ bäꞌjaꞌ tsun, paj qui yejĉojaꞌ bisaĉaꞌ Jenꞌdyes tsun.

Muꞌ Jenꞌ soꞌmisinꞌtyiꞌ dyichchutidyeꞌ tsun judyeyaꞌ jiꞌmaꞌyisinꞌ chimeꞌ, muꞌdye cọdyete yụ paj qui Jesucristos dyijyedyeꞌ cäc̣häꞌchubitinte miꞌin, paj qui vaj cäts dyijyedyeꞌ cạtiñeꞌ miꞌin, paj qui vaj yiriꞌyaꞌ timaꞌquetinte muꞌ Jenꞌ, muꞌ Jesucristoty Jenꞌ muꞌ, Ayoꞌ tsun.

Jemoñeꞌ vaj meij tiĉunꞌtidyeij miꞌin yojdyemꞌ muꞌ Cristo tiĉunꞌnac u. Meꞌ jụijyaꞌ miꞌin cavinac raꞌ yoctyiꞌ muntyiꞌ in, chat qui raꞌ muꞌin in chimeꞌ timaꞌquete Jenꞌ in.

Jemoñeꞌ meꞌ bäꞌjaꞌ tsun paj qui vaj meꞌ maꞌjotyisinꞌ in chätidyeꞌ tsun, jemoñeꞌ nọ́tyetacsejaꞌ in paj qui feryi buꞌyi Jenꞌdyes in.