Versets bíblics populars de Romaĉantyidyes 14

Comparteix

Jenꞌ ayoꞌbuꞌyiyaꞌ tsundyes, tsun raꞌ jam mọmꞌ dyijtujaꞌ säcsedyeꞌ judyeyaꞌ tyédyeꞌ tsun, jemoñeꞌ mọmꞌ dyijtuc paj qui rụij bäꞌjaꞌ Jenꞌdyes, judyeyaꞌ dyijtujaꞌ chimeꞌ junꞌ chuc aty jämꞌjitiĉaꞌ Jenꞌtum judyeyaꞌ maꞌjodyeꞌtum bäꞌjaꞌ chimeꞌ ĉaĉaij na meꞌ yuꞌsinꞌ Jenꞌsiꞌ Ạꞌedyeꞌ muꞌ. Tyi chuc meꞌ chiquete Cristo jụijyaꞌ, aty Jenꞌ jämꞌ jamaꞌjotyiti, meꞌdye chimeꞌ muntyiꞌ in maꞌjotyete in tyi chuc meꞌ úñity in.

Tsạꞌdyemꞌ tsun, Ayoꞌsiꞌ dyijyedyeꞌ cạpja tsun, muꞌsiꞌdye raꞌ dyijyedyeꞌ cạpja tsun sänjaꞌyaꞌ. Mọꞌdyes meꞌ tsanꞌ tsạꞌdyemꞌ tsun, sänjaꞌyaꞌ qui na, tacaꞌdye raꞌ muꞌdyety tsun.

Mọꞌdyes jemoñeꞌ räjĉan dyijtujaꞌ paj qui jämꞌjitiĉaꞌ vojitytum tsun, paj qui vaj cäts ñútyitiĉaꞌ bäꞌjaꞌ paj qui dadamꞌ yejĉojaꞌ p̂anjaꞌ Jenꞌdyes tsun.

Ọij jísinꞌ aty jam raꞌ vaj meij p̂iijtiĉaꞌ bäꞌjaꞌ tsun, dadamꞌ jämꞌ dyijtujaꞌ paj qui jam jiꞌyocacsejaꞌ vojity tsun, paj qui jam muꞌin peñi in.

Yiꞌ sánacdyeꞌ: Fersiꞌ p̂eyacdyeꞌ ĉụiꞌsiꞌ yụꞌtaqui yụ, yi muꞌ Ayoꞌ: Räjenꞌ raꞌ muntyiꞌ in dyụtsyi yụ́yaꞌ in, timaꞌquin raꞌ yụ in, yi raꞌ in: "Uts anictyity Jenꞌ", yi raꞌ in. Muꞌ raꞌ Jenꞌ cäts yirityityij cudyityisinꞌ p̂eyacdyeꞌ tsun junꞌ chuc bäꞌjaꞌ jiquej tsun úcheꞌ jaccheꞌ.

Pạrej muꞌyaꞌ anicjetety Jenꞌ in jambiꞌ qui namꞌ fer buꞌyi bäꞌyi in, tacaꞌ jayej chị́yepte in jiꞌchäyitidyeꞌ Jenꞌsiꞌ muꞌ. Jemoñeꞌ tiĉunacsi miꞌin muꞌin meꞌ dyijyity in, jam qui na ramꞌ chuti p̂eyacdyeꞌyaꞌ miꞌin muꞌintum in.

Miꞌin jam tupuj ñiñebitinte yoctyity úñity muꞌ, ĉụiꞌtyiꞌdye raꞌ ayoꞌ muꞌ cạvacsebi dyijyedyeꞌ muꞌ, areꞌ jämꞌsiꞌ, areꞌ jam. Meꞌdye miꞌin chimeꞌ, jam raꞌ c̣họcoꞌtacsi miꞌin yoctyiꞌ in, jedyeꞌ chuc jebeiꞌ in, muꞌin räj Ayoꞌtyiꞌ úñity muꞌ, muꞌ Ayoꞌ ferdyeꞌtumtyiꞌ, muꞌ raꞌ fer buꞌyi yụꞌtacsi paj qui jam peñi in.