Versets bíblics populars de Jị'cavacdye' 1

Comparteix

"Yụ nash Tashchety judyeyaꞌ Jäquity," yi muꞌ Ayoꞌ tsun, muꞌ mujuꞌchaꞌ ferdyeꞌtumtyiꞌ Jenꞌ, muꞌ tạꞌcaty, muꞌ muꞌyaty q̂uinꞌ, muꞌdye ramꞌ yejĉoijtyiꞌ.

Meꞌ tsanꞌ säñi jiquej yụ, tsạꞌ buꞌban qui namꞌ q̂uinꞌ yụ, yejĉoij qui ramꞌ tsạꞌ buꞌyi yụ, aty jam raꞌ quivij säñi yụ. Yụ nash bächäiꞌ mọꞌ sänꞌdyeꞌ, meꞌchuiꞌ yụ mọꞌ c̣hácaquis säñitysiꞌĉan ĉärꞌtacdyeꞌ in.

Anic där raꞌ maꞌjoij muꞌin p̂eyeꞌtyiꞌ in ọij sánacdyeꞌ, judyeyaꞌ muꞌin chimeꞌ seꞌvaquity in mọꞌ p̂eyacdyeꞌ, judyeyaꞌ chiqueꞌtyiꞌ chimeꞌ mi, ĉaĉaij na aty c̣hẹiꞌyaꞌ mọꞌ tupudyeꞌ cạ̈tsiꞌ raꞌ ọij sánacdyeꞌ.

Nạijtacdyeꞌĉan mọmoꞌ säñej tŝọij mụijyaꞌ yụ, jeñej yirity säñity muntyiꞌ, meꞌ tŝọij yụ. Tocoꞌjin yụ tacvesyaꞌ un muꞌ, yi jin yụ: —Jam raꞌ noiꞌyi mi, yụ nash Tashchety judyeyaꞌ Jäquity.

Anicdye meꞌ, dyicbaꞌbadyeꞌĉan raꞌ atsijban muꞌ, räj raꞌ taquenꞌ jịꞌĉojtuyeĉunꞌbajte in. Muꞌin p̂oꞌc̣hetety jiquej in, chimeꞌ raꞌ muꞌin jịꞌĉojtuyeĉunꞌbajte in atsijbanyaꞌ muꞌ. Räj raꞌ jacchety muntyiꞌ in, yịjyi p̂eyaquity in, meꞌ meꞌ raꞌ tári in atsijbanyaꞌ muꞌ. Paj meꞌ.