Versets bíblics populars de Judassi' 1

Comparteix

Miꞌin na chätidyeꞌ mạꞌjeyacdyety yụ, jam raꞌ meꞌ miꞌin, miꞌin aty anicjebitinte rụijsis p̂eyacdyeꞌ Jenꞌsiꞌ muꞌ, mọꞌdye ramꞌ yejĉoij cäc̣häꞌchubitinte paj qui fer buꞌyi bäꞌyi Jenꞌdyes miꞌin. Cọdyemac Jenꞌ, jätäjyiꞌ chuc raꞌ mọꞌ Ạꞌedyeꞌ muꞌ, meꞌ raꞌ cọdaqui miꞌin.

Timaꞌqueja muꞌ Jenꞌ mạijquedyeꞌtumtyiꞌ. Muꞌsiꞌyaꞌ ferdyeꞌ muꞌ ñutsjinac miꞌin paj qui jam peñi juchajĉan miꞌin, judyeyaꞌ chimeꞌ paj qui jam jụꞌñiij miꞌin aty canacyaꞌ miꞌin ĉụiꞌsiꞌyaꞌ vej muꞌ, muꞌ mạijquedyeꞌtumtyiꞌ Jenꞌ, muꞌyaꞌ raꞌ där maꞌjoij miꞌin cätssisyaꞌ maꞌjodyeꞌ. Jesucristoscheꞌ tịj muꞌ Ayoꞌsiꞌ tsun timaꞌqueja muꞌ dyijyedyeꞌtumtyiꞌ Jenꞌ, muꞌ yiritytyity muꞌ Jiꞌc̣honsinꞌtyiꞌ tsun. Timaꞌqueja muꞌ, muꞌ räjdyes ayoꞌbuꞌyity, anic ferdyeꞌtumtyiꞌ muꞌ, judyeyaꞌ mumꞌ yirity mạijquedyeꞌtumtyiꞌ, anic mujuꞌchaꞌ buꞌyity muꞌ, tạꞌcatydye meꞌ, meꞌdye raꞌ yejĉoij räjĉan. ¡Paj jam jụꞌñisĉan mạyedyeꞌ mọtsiꞌ timaꞌcacdyeꞌ muꞌ! Paj meꞌ.

Yejĉojamꞌ bäꞌjamꞌ miꞌin paj qui miꞌincheꞌ buꞌyiꞌ Jenꞌsiꞌ mạꞌjitidyes muꞌ. Yejĉojamꞌ bisbimac mọꞌ tupudyeꞌ Jesucristos Ayos tsun, muꞌ där ñịbeꞌ ĉúsinꞌtyiꞌ tsun, judyeyaꞌ raꞌ yuꞌsinꞌ paj qui räjĉan Jenꞌyaꞌ bäꞌjaꞌ tsun.