Versets bíblics populars de Tashches Pedros 3

Comparteix

Cristomꞌ dyijtumac ĉojtyiꞌĉan miꞌin, ayotumac muꞌ. Jemoñeꞌ jäꞌmiiꞌtyi dyijyedyeꞌĉan miꞌin, paj qui tupuj vortacsi miꞌin vatyquej raꞌ jínac jụijyaꞌ in: "¿Junꞌ dash meꞌ jụjjetinte Jenꞌ?" Meꞌ jínac jụijyaꞌ in, jemoñeꞌ chịj rụij vorjeĉunacsi miꞌin. Jämꞌyedyeꞌtum raꞌ jéyacsi miꞌin, jam raꞌ vaꞌbunjeĉunacsi miꞌin. Räjĉan raꞌ rụijsis dyijyedyeꞌ cạtiñeꞌ, paj qui jam jiꞌyoquiti ĉojtyiꞌĉan miꞌin. Meꞌ jụijyaꞌ miꞌin tsị́caij raꞌ in muꞌin ñäñinactyiꞌ in, judyeyaꞌ väñädyeꞌyaꞌ c̣họcoꞌtyinactyiꞌ in, ĉaĉaij na raꞌ cavinac in junꞌ chuc rụij bäꞌyi miꞌin anicjetintety Cristo miꞌin.

Muꞌ Ayoꞌ ĉọjcacsi muꞌin rụijtyity in, judyeyaꞌ seꞌvacsebi cọdacdyeꞌ muꞌin, muꞌin na ac̣hiꞌyity in Ayoꞌ doroiꞌjeyacsi", yiꞌ sánacdyeꞌ.

Jam raꞌ mọꞌ mọmoꞌ dyijtutiñeꞌ miꞌin jämꞌ yuꞌtidyeꞌ aꞌ miꞌin, mijam raꞌ mọjoꞌchaꞌ dyijtutiñeꞌ mọꞌ miꞌin junꞌ chuc raꞌ jämꞌ yụꞌtaquiꞌ fin miꞌin, judyeyaꞌ quịꞌsiꞌ miꞌin, judyeyaꞌ shaporo miꞌin judyeyaꞌ sontica oro chimeꞌ, jam raꞌ joꞌmemes dyijtutiñeꞌ miꞌin. Dyijtuvac mọjoꞌchaꞌ ĉojtyiꞌĉan mọꞌ jämꞌ yuꞌtidyeꞌ miꞌin, jämꞌsiꞌ dyijyedyeꞌ meꞌchuvac, jam raꞌ ashyiꞌ miꞌin, jämꞌyedyeꞌtum raꞌ bäꞌyiꞌ miꞌin, mọꞌ jämꞌ yuꞌtidyeꞌ jam mọtsis, mọꞌ nash maꞌjotyeꞌ Jenꞌ.

Sánacdyeꞌ yiꞌ: "Tyi chuc mạꞌjeꞌ maꞌjodyeꞌtum bäꞌyi jụijyaꞌ, jemoñeꞌ jiꞌdyäcaqui ĉụiꞌsiꞌ nem muꞌ, paj jam mọꞌ chụꞌ muꞌ aꞌc̣his p̂eyacdyeꞌ p̂eijjanꞌ, mijam väñäij. Jemoñeꞌ yacchuiꞌ ac̣hiꞌ bäꞌyi, paj rụij qui bäꞌyi, jemoñeꞌ dyijtuiꞌ paj qui jämꞌjiti yoctyiꞌtum bäꞌyi.

Jadyiquis raꞌ yụ jéyac: Vaj cäts cạjamꞌ dyijyedyeꞌ miꞌin, mạꞌjitidyeij raꞌ miꞌin judyeyaꞌ jam ashjitidyeij miꞌin ĉaĉaij na vaj vojity miꞌin. Jämꞌyedyeꞌtum raꞌ bäꞌyi miꞌin jam raꞌ vaꞌbunnacdyeꞌtum bäꞌyi miꞌin. Jịꞌñibeꞌcanac jụijyaꞌ in, jam raꞌ chimeꞌjeyacsi miꞌin, fạraꞌñinac jụijyaꞌ in, jam raꞌ jiꞌpenꞌti miꞌin, Jenꞌchemꞌ ĉútiĉamꞌ cọdyemac Jenꞌ paj qui muꞌ nọ́tacsi, ĉaĉaij na meꞌdyety muꞌ Jenꞌ meꞌ fayinac miꞌin paj qui muꞌ ñútyinac chimeꞌ miꞌin.

Jeshaꞌ yụ raꞌ jéyac, ferdyeꞌ yụꞌtacac paj qui rụij bäꞌyi jụijyaꞌ miꞌin, ¿tyi ĉaĉaij jịꞌñibeꞌcanac u? Itŝij.

Jemoñeꞌ yacchuiꞌ ac̣hiꞌ bäꞌyi, paj rụij qui bäꞌyi, jemoñeꞌ dyijtuiꞌ paj qui jämꞌjiti yoctyiꞌtum bäꞌyi.

Jenꞌ meꞌ mạꞌjeꞌyaꞌ paj qui jịꞌñibeꞌcac tsun, rụij bäꞌjaꞌyaꞌ tsun, jämꞌ mọꞌ shupquiꞌ muꞌsiꞌyaꞌ vej muꞌ, meꞌ na jụijyaꞌ vaꞌtacdyeꞌ cạjaꞌ aꞌc̣hisyaꞌ dyijyedyeꞌ ĉụiꞌsiꞌ tsun, mọꞌ chat jam jämꞌ.