Versets bíblics populars de Romano 2

Comparteix

Mãɨya pɨa waapẽarãpa nemietá oo p'anɨane aipɨra, maamina abarik'a oo bɨpɨra, k'ɨ̃risiaiwẽa bɨma Tachi Ak'õrepa mãɨ nepɨra ak'ɨiwẽt'a. Pɨa itu bɨ bɨma Tachi Ak'õrepa tachi ome minachia sõpia bɨt'a, ãarea choa bɨt'a mãɨnepa nemietá ooda isapea ɨtɨak'á bɨt'a. ¿Pɨa k'awawẽa bɨk'ãra Tachi Ak'õre sõpia baparima pɨ ome, ichia k'ɨ̃ria bɨẽra pɨa nemietá ooparí itu bɨk'ari ichimá chemẽrá?

Mãɨya bɨde abaɨ pida k'ɨ̃risiaiwẽa bɨma Tachi Ak'õre k'ĩrari nepɨra pará bɨwẽt'a. Chi atepe jĩp'a oo bɨade a bɨpa mãɨya k'ɨ̃risiaiwẽa bɨma. Abaɨpa nemietá oo bɨade a jararude ara ichi k'orea jara bɨma, ichia pida abarik'a mãɨ jĩra oopari pẽra.

Tachi Ak'õrepa ẽpẽrarã ãarea abarik'a nepɨra ak'ɨipɨ.

Moisepa bɨda ũri p'anɨnepa ẽpẽrarã Tachi Ak'õre k'ĩrari jĩp'a p'aneenaiwẽma, mãɨpari mãɨ ãarea oo p'anɨnepa Tachi Ak'õrepa ãchi nepɨra newẽa p'anɨane aima.

Ichia jõmãɨrã́ teaipɨ ãchia oodada jĩra.

Maamina chi eda waapẽarãpa waapẽarã k'aepẽra pia p'ananai k'orea jɨrɨpatama. Mãɨpuru chi piarãpẽa pedea ĩjãanai k'ɨ̃rianak'ama mãɨnepa nemietaade p'anapatama. Mãɨ ẽpẽrarã Tachi Ak'õrepa ichi k'ĩruupidepa minachia ɨtɨaipɨ.

Maamina k'ɨɨrɨwẽa bɨ pẽra pɨ nemietá itu bɨk'ama Tachi Ak'õremá cheemaapa. Mãɨ k'orea Tachi Ak'õrepa ɨtɨai ewaride ichi k'ĩruuk'ari atepe ɨtɨaipɨ. Mãɨ ewaride Tachi Ak'õrepa unupiipɨ sãmaasã́ jõmãɨrã jĩp'a ɨtɨait'a.