Versets bíblics populars de Romano 1

Comparteix

Mɨ p'erak'ama chi pedea pia Jesú k'orea jarateai k'orea, chi mãɨ pedea ĩjãauta Tachi Ak'õrepa ichi jua chaareadepa jõma k'aripapari pẽra; naa judiorã mãɨnepa judiorãwẽ sida.

Mãɨ pedea piadepa Tachi Ak'õrepa k'awapi bɨma tachi k'aripait'a, ichia jara bɨ jĩra. Jesucristode ĩjãautarã mãɨya baipɨ. Tachi Ak'õre pedeade nãɨya bɨ bɨma: «Chi jĩp'a bɨt'a, Tachi Ak'õrene ĩjãa bɨdepa chok'ae baipɨ».

Nãɨ ĩjũa oodaedapema chi ichia ooda ak'ɨ p'anɨnepa k'awa p'anɨma ichi chi ewaricha ne ãarea p'ue oo bɨt'a mãɨnepa ichi Tachi Ak'õret'u. Mãɨ ãarea ooda ak'ɨ p'anɨnepa, ẽpẽrarãpa chi Tachi Ak'õre ẽpẽerãpa ne p'ue oodak'apɨ́ mãɨ pia unupatama. Mãɨ k'orea chi nemietá oopataɨrãpa p'ue atua p'anɨane adaiwẽa p'anɨma.

Ãchia Tachi Ak'õre k'awa p'anasidamina ichiá pia pedeadaé pasima mãɨnepa sõpia bɨade adaé pasima. Mãɨpari k'ɨ̃risia newẽa berã jĩra p'aneesidama. Mãɨya piawẽa k'ɨ̃risiadak'ari p'ãrione p'aneesidama.

Chi Tachi Ak'õre piarãpẽat'a itu bɨdak'ari chi seat'a oo p'aneesidama. Tachi Ak'õrepa nejõma oodamina ichi k'aepẽra ichia oodat'a ĩjãa p'aneesidama mãɨnepa mãɨa pia pedea p'aneesidama. Maamina tachia Tachi Ak'õreapuru ewaricha pia pedeadai p'anɨma. Mãɨya beese.

Tachi Ak'õrepa pajãnepa k'awapi bɨma nemietá oo berã mãɨnepa jĩp'awẽa berã ichi k'ĩruupidepa ãarea ɨtɨait'a. Ãchia nemietá oo p'anɨnepa chi piarã pedea itu k'awapidak'ama.

Mãɨpuru Tachi Ak'õrepa itu bɨsima k'ĩra p'era oodamẽrá. Wẽra ɨmɨk'ĩra ome k'ãii pada itu bɨdak'ari abarik'a wẽra ome k'ãi p'aneesidama. Ara mãɨ jĩra ɨmɨk'ĩra wẽra ome k'ãii pada itu bɨdak'ari abarik'a ɨmɨk'ĩra chi k'ɨ̃rianak'ari k'ĩra p'era oo p'aneesidama. Mãɨ nemietá oo p'anɨ k'orea Tachi Ak'õrepa ãchi ɨtɨaipɨ, ichia ɨtɨai bɨ jĩra. Ãchia Tachi Ak'õre itu bɨdada pẽra ichia itu bɨsima nemietá k'ɨ̃risiadak'ari, chi tachia oodaiwẽa p'anɨt'a mãɨya oo p'ananamẽrá.

K'ɨ̃risia k'awaa p'aneenayane asidamina k'ɨ̃risia newẽa p'aneesidama. Tachi Ak'õre piuk'apɨ́ pia bɨt'a itu bɨsidama. Maapae ẽpẽra piupari jĩra sãdo oodak'ari mãɨa pia pedea p'aneesidama. Ichiaba sãdo wawaria ook'oasidama: ĩpanarã, ãnimara bɨɨrɨ k'ĩmari berã mãɨnepa ãnimara ĩjũane urrujupataɨrã, mãɨrã́ pia pedeadai k'orea.