Versets bíblics populars de रोमियन 9

Comparteix

एसे कोहू के इच्छा के मुताबिक नहीं, अउर न कोहू के जादा कोसिस किहे के कारन, परमातिमा ओही चुनँय, बलकिन ऊँ केही चुनत हें, इआ दया करँइ बाले परमातिमा के हाँथे माहीं हय।

काहेकि परमातिमा मूसा नबी से कहिन हीं, कि “हम जेखे ऊपर दया करँइ चाहब, त ओखे ऊपर दया करब, अउर जेखे ऊपर किरपा करँइ चाहब, त ओहिन के ऊपर किरपा करब।”

अउर हे भाई, तूँ को आह्या? तूँ त केबल मनई आह्या, जउन परमातिमा काहीं उल्टहाव देते हया? त इआ बताबा, कि का कउनव बनी चीज अपने बनामँइ बाले से कहि सकत ही, कि तूँ हमही अइसा काहे बनए हया?

एसे परमातिमा जउने मनई के ऊपर दया करँइ चाहत हें, त ओखे ऊपर दया करते हें; अउर जेखे मन काहीं कठोर करँइ चाहत हें, त ओखे मन काहीं कठोर कइ देत हें।

का कुम्हार काहीं इआ हक्क नहीं रहय, कि उआ माटी के लोंदन से कुछ बरतन खास कामन के खातिर बनबय, जिनखर मनई आदर करत हें, अउर कुछ बरतनन काहीं साधारन कामन के खातिर बनबय जिनखर मनई आदर नहीं करँय।