Versets bíblics populars de रोमियन 10

Comparteix

कि अगर तूँ अपने मुँहे से यीसु काहीं प्रभू जानिके सोइकार करिहा, अउर अपने पूरे मन से बिसुआस करिहा, कि परमातिमा उनहीं मरेन म से जिआइन हीं, त तूँ जरूर मुक्ती पइहा।

काहेकि परमातिमा के नजर माहीं निरदोस बनँइ के खातिर, पूरे मन से बिसुआस कीन जात हय, अउर मुक्ती पामँइ के खातिर अपने मुँहे से सोइकार कीन जात हय।

एसे कि बचन सुने से बिसुआस पइदा होत हय, अउर जब कोऊ जाइके मसीह के बारे माहीं प्रचार करत हय, तब मनइन काहीं सुनँय काहीं मिलत हय।

काहेकि पबित्र सास्त्र माहीं इआ लिखा हय, कि “जे कोऊ यीसु मसीह के ऊपर बिसुआस करी, उआ कबहूँ लज्जित न होई।” काहेकि यहूदी लोगन माहीं, अउर गैरयहूदी लोगन माहीं कउनव भेदभाव नहिं आय, एसे कि सगले मनइन के प्रभू एकय आहीं, अउर उनखर दया उन सगलेन के खातिर जेतने उनखर नाम लेत हें, उनहीं बड़ी उदारता से असीसित करत ही। “काहेकि जे कोऊ प्रभू के नाम लेई, उआ जरूर मुक्ती पाई।”

अउर अगर प्रचार करँइ बाले पठए न जाँय, त ऊँ पंचे कइसन प्रचार कइ सकत हें? जइसन पबित्र सास्त्र माहीं घलाय लिखा हय, कि “जउन खुसी के खबर सुनाबत हें, उनखर मनइन के बीच माहीं आउब बड़ी खुसी के बात होत ही।”

पय जउने परमातिमा के ऊपर ऊँ पंचे बिसुआस नहीं करँय, त उनखर नाम ऊँ पंचे कइसन लइ सकत हें? अउर जउने परमातिमा के बारे माहीं ऊँ पंचे सुनबय नहीं भें, त उनखे ऊपर ऊँ पंचे कइसन बिसुआस कइ सकत हें? अउर अगर प्रचार करँइ बाले खुसी के खबर के प्रचार न करँय, त मनई कइसन सुन सकत हें?

अउर जब से मसीह आइगें, तब से परमातिमा के नजर माहीं निरदोस बनँइ के खातिर, मनइन काहीं मूसा के बिधान के पालन करँइ के जरूरत नहीं रहिगे, काहेकि उनखे ऊपर बिसुआस कइके हरेक मनई परमातिमा के नजर माहीं निरदोस बन सकत हय।