Versets bíblics populars de མཱར་ཀུ་ལེའུ་ 6

Comparteix

དེ་ལས་མི་དམངས་ལེ་ཤ་ ཕར་འགྱོ་མི་དང་ཚུར་འོང་མི་གིས་འབད་ ཡེ་ཤུ་དང་སློབ་མ་ཚུ་དལ་ཁོམ་མེད་པར་ གཞན་ཕར་བཞག་ གསོལཝ་བཞེས་པའི་དུས་ཚོད་ཡང་མ་ཐོབ་ཨིན་མས་ དེ་ལས་ཡེ་ཤུ་གིས་ཁོང་ལུ་ ད་ནཱ་ཤོག་ ང་བཅས་ཆ་ཁྱབ་རི་ཙག་ས་གཅིག་ཁར་འགྱོ་སྟེ་ངལ་འཚོ་གེ་ཟེར་གསུངས་སྦེ།

ཡེ་ཤུ་གིས་ཁོང་ལུ་ ས་ཕྱོགས་གཞན་ཁར་ལུང་སྟོན་པ་ལུ་ཞེ་ས་འབདཝ་ཨིན་ དེ་འབདཝ་ད་ རང་གི་གཡུས་ཁ་དང་ རང་གི་ཕམ་སྤུན་ཆ་ཉེཝ་ཉེ་འཁོར་ རང་གི་ཁྱིམ་ནང་གི་བཟའ་ཚང་ཚུ་གིས་ ལུང་སྟོན་པ་ལུ་ཞེ་ས་མི་འབད་ཟེར་གསུངས་ནུག

ཡེ་ཤུ་གྲུ་ནང་ལས་མར་འཐོན་འབྱོནམ་ད་ མི་ཚོགས་སྦོམ་ལུ་གཟིགས་ཏེ་ ཐུགས་ཁར་སྙིང་རྗེ་བྱུང་ནུག་ ག་ཅི་སྨོ་ཟེར་བ་ཅིན་ ལུག་རྫིཔ་མེད་པའི་ལུག་བཟུམ་སྦེ་གཟིགས་ནུག་ དེ་ལས་ མི་དམངས་ལུ་ཆོས་ལེ་ཤ་སྟོན་གནང་ནུག

འདི་འབདཝ་ལས་བརྟེན་ཏེ་ ཡེ་ཤུ་གིས་ཁོང་ནདཔ་རེ་རེ་གཉིས་གཉིས་གུ་ལུ་ ཕྱག་བཀལ་ཏེ་དྲགཔ་མཛདཔ་མ་གཏོགས་ ཁོ་གིས་རྫུ་འཕྲུལ་གཞན་ག་ནི་ཡང་མཛད་མ་གནང་པས། དེ་ལས་ཁོ་མི་ཚུ་ལུ་གཟིགས་ཏེ་གནམ་མེད་ས་མེད་ཧ་ལས་ནུག་ ག་ཅི་སྨོ་ཟེར་བ་ཅིན་ ཁོང་ལུ་དད་པ་མེད་ནི་དེ་གིས་ཨིན་མས་ དེ་ལས་ཡེ་ཤུ་གཡུས་ལས་གཡུས་རྒྱུད་དེ་ ཆོས་སྟོན་བྱོན་ནུག།

དེ་ལས་ཁོ་གིས་ཏད་ཟས་ལེབ་ལྔ་དང་ ཉ་གཉིསཔ་དེ་ཕྱག་ལུ་བསྣམས་སྦེ་ ཞལ་ཡར་གནམ་ཁ་ལུ་གཟིགས་ཏེ་ དཀོན་མཆོག་ལུ་བཀའ་དྲིན་ཆེ་ཟེར་ཞུ་སྦེ་ ཏད་ཟས་བཅག་ ཉ་གཉིསཔ་དེ་ཡང་བགོ་བཤའ་བརྐྱབས་ ཁོང་མི་དམངས་ལུ་དྲང་བཞག་རྐྱབ་བཅུག་ནི་སྦེ་ ཁོ་རང་གི་སློབ་མ་ཚུ་ལུ་གནང་ནུག དེ་ལས་ཁོང་མི་དམངས་ག་ར་ ཕོཝ་འགྲངས་འགྲངས་ཟ་སྟེ་ཚིམ་ནུག ད་རུང་ཟ་ཚར་བའི་ཤུལ་ཁར་ལུ་ ཉ་དང་ཏད་ཟས་ཀྱི་བཅག་དཀྲུམ་གྱི་ལྷག་མ་འཐུཝ་ད་ ལྟོའི་སྦ་ཟེ་བཅུ་གཉིས་ཐོན་ནུག