Versets bíblics populars de 2 Corintoyguakuérape 4

Comparteix

Ore noroma’ẽi umi mba’e ojehecháva rehe, umi ojehecha’ỹva rehe uvei; umi mba’e ojehecháva ndahi’aréi, umi mba’e ojehecha’ỹva katu oikotahína tapia g̃uarã.

Upévare ningo ndaorepy’akangýi, omano ramojepe ohóvo ore kuimba’e oka peguáva, ore kuimba’e pypeguáva katu oñembopyahuve ohóvo ko’ẽ ko’ẽ rehe. Umi mba’e ore rohasavaroína ivevúi, rohasa asy ramojepe, roikuaágui uperire roguerekotaha hetave teko mimbipa ha vy’a añeteguáva.

Upéicha ojehu, rojejopy vai ramojepe opaite mba’épe ndoropoíri ore jeroviágui ha orepy’angata ramojepe, ndaorepy’aropúi. Heta oñemoĩ ramojepe orerehe Ñanderuete ndaorerejái ore año, ambuekuéra orereity ramojepe, ndaikatúi orehundieté hikuái.

Roguereko ningo ko mba’erepyete, peteĩ mba’yru yvyguiguápe, rohechauka hag̃ua pe pu’aka oremombaretéva ndaha’eiha kuimba’e pu’akágui, Ñanderuete pu’akágui uvei.

Ha péva ojehu ko yvy jára (Satana) omohesatũgui ipensamientokuéra, ani hag̃ua ohecha pe tesape oúva Hesu Crísto reko jajaipa ha iñe’ẽ porãitégui, Hesu Crísto ningo Ñanderuete ra’ãnga voi.

Ñanderuete he’i voi ikuatiañe’ẽme: Pytũhágui tohesape pe tesape, (Génesis 1,3). Ha’e voi ohesape avei ñande py’apy jahechakuaa hag̃ua Ñanderuete reko jajaipa Hesu Crísto rova rupi.