Versets bíblics populars de 2 Corintoyguakuérape 3

Comparteix

Ñanderuete ningo Pytu Porãite ha Ñanderuete Pytu Porãite oĩháme, upépe oĩ sãso (libertad).

Upéicharamo opavave ñande, ahoja’ỹre ñama’ẽ Hesu Crísto reko jajaipa rehe espéjope ramoguáicha ha ñañemoambueve jahávo Hesu Crísto reko ojajaipávape, péva katu Ñanderuete rembiapo.

Ipy’a oñemboykeha ára Hesu Crístope g̃uarã, pe ahoja katuete ojeiva’erã ichuguikuéra.

Ñande, yvy arigua pu’aka rupi ndajahupitymo’ãi ko’ã mba’e ko’ãva, Ñanderuete pu’aka rupínte uvei. Ñanderuete voi ningo orembokatupyry roiko hag̃ua iñembopy’apeteĩva (jekupyty) remimondo ramo. Iñembopy’apeteĩ pyahu ndoguapýi Moises rembiapoukapykuéra ári, Ñanderuete Pytu Porãite ári uvei. Umi tembiapoukapy (Ijespiritu’ỹre) oporojuka, Ñanderuete Pytu Porãitépe katu oporomoingove.