Versets bíblics populars de Izaiya 55

Comparteix

Tchoira Yehova unawonga ira: <<Joumbuwela jaga na joumbuwela jenyu kahi jimohive. Eto joira jaga na joira jenyu kahi jimohive.

Joira jaga jihilapelana na joira jenyu eto joumbuwela jaga jihilapelana na joumbuwela jenyu na makalelo nnga ilambo ya zulu inalapelana atu na ilambo ya vati.

Mmusake Yehova tempu yenna inawanda liye fwanyeya. Mmuitane tempu yenna ili liye vakwikwive.

Mutu otakala ahiye makalelo aye otakala. Eto mutu oirana jabure atchindje joumbuwela jaye, awelele wa Yehova ira Yehova amuwendele tangaranga. Awelele wa Mulugu wehu mwasiwa liye gowanda levelela valukulu.

Yehova unawonga ira: <<Nyo mwatene munna ntona muze, mahindje kali vano. Eto nyo mwahanna kobiri, muze mugule jodja ira mudje. Muze mugule vinyu na mukaka mwahakumihile kobiri eto mwahakumihile yengo ili yatene.

<<Muzongwe na neve jinakumela zulu eto kajinawelela zulu akoka jahanababihe nyetiha teya ya ilambo ya vati. Jinomeliha vamohi no ulukuliha jomela ira namalima akayena mbewu daye eto maliba ndala akayena jodja jaye. Na makalelo amohive, mazu aga anakuma muwano mwaga kinawela kaza wa miyo kahalabile yengo. Mbwenye anolaba nnga mwemo munafunela miyo eto anokwakwaneliheda yenno inaruma miyo ira kalabe.

<<Munoza mukume mohagalala mmakatamihoni mwenyu eto munoza musogolrelriwe mwa murendele. Eto mwadowaga, mwango na mikuma nnerege uimbelani nyumbo eto mitengo datene da mukokolani nnerege uimbelani manda.

Mureye mabaru eto muze wa miyo. Mudivwe miyo vano ira mukayena ingumi. Miyo nnosakanya yopangana yohomala na nyo. Eto nnouonihani zivela waga wohotchindjeya nnga mwapanganne miyo na Davi.