Versets bíblics populars de Izaiya 54

Comparteix

Inafuna we vahiwa wagali namalaba waga eto gondjiha unafuna miyo uvaha ku wu: Kilivo yengo isakanyiwe na amwidanawo inafuna uporotcha. Eto atene anafuna jounukeda, weyo unerege aruniha. Unawonga gu miyo Yehova.>>

Mwango aliwa podi susa, mikuma aliwa podi tonda mbwenye uzivelani waga kuza utchindjeya. Unokalave na weyo kala no kala. Yopangana yaga ya murendele kiza itchindjeya. Unawonga gu Yehova wenno unauwendelani tangaranga.>>

Kuove mwasiwa kuza unyaswihiwa akoka. Kukale lohulo mwasiwa kuza ululuvihiwa akoka. Tchoira unoza udiwale manyazo wanna we unamwalini wawo. Manyazo wanna we zela kala makwele kuza utulelave.

Tchoira mamunawo gu Namapandutcha wawo, Yehova wa Makuru Matene ti nzina naye. Mulugu Otchena wa Izarayeli gu Namawombola wawo. Liye unaitaniwa Mulugu wa ilambo yatene ya vati.

Uulukulihe nimburo nnafuna we kungavo musasa wawo. Utapule nguwo da musasa wawo. Kuyevihe nguwo yawo. Ulapiheve mingohi da musasa eto umbiyelihe pama peregu diwa.

Atwawo atene anoza kafundjihiwe na miyo Yehova. Ahimawo anogarati mwa murendele mulukulu.

Dohotawiha kove yaga ora ya vang'ono na mwasa otakaleliwa ulukulu wanna miyo. Mbwenye nnafuna dize duuwendeleni tangaranga na mwasa ouzivelani waga wohomala. Unawonga gu miyo Yehova, Namawombola wawo.

<<Miyo dohouhiya para tempu ya vang'ono. Mbwenye miyo nnafuna dutukule akoka muwari mozivela waga ulukulu.

Zela wa miyo, jeji jili nnga tempu ya Nowe. Miyo doholumbela tempu yenno ira kadiza dinonga ilambo ya vati na mahindje akoka. Mwa eno, peno nnolumbela akoka ira kadiza dunyanyuwela akoka. Eto kadiza duusumulula akoka.

Nnafuna dimange nyumba doing'anela na mabwe ofila eto misuwo dawo nnafuna dimange na mabwe ojerimela nnga munlo. Muru wawo watene nnafuna dimange na mabwe ofuneyetchetcha.