Versets bíblics populars de 1 Amwene 18

Comparteix

Yehova dirumeleni! Dirumeleni ira mulogo unafwanyeya eva ula kawande iziwa ira nyo Yehova, muli Mulugu eto kawande iziwa ira nyo guwelihile mirima dewa ira kaze wa nyo.>>

Evale yagafiyile ora yovelela mikuto da tchiguwoni, namafiyiheda Eliya ohozaga vaibuwani vaye, liye wonga eraga: <<Yehova Mulugu wa Abarahamu na Izaki na Izarayeli, kavioniheni peno ira nyo muli Mulugu muwari mwa aIzarayeli eto muonihe peno ira miyo dili namalaba wenyu eto muonihe ira miyo diirilena jatene jeji muwari morumiwa na nyo.

Mwa enne mulombwana Eliya ohofiyaga vevo vafwanyeya aIzarayeli atene, liye wonga eraga: <<Kodi hara wenyu joumbuwela mbinli munaza muhiye alini? Akala Yehova unafwanyeya agali Mulugu, inafwanela mmuhare. Mbwenye akala Baali guli Mulugu, muhareni.>> Mbwenye agawongile enne, aliwa tchamuwakunlege yengo.

Mwa enne ohozaga munlo wa Yehova kumela zulu, mala tumeya romela mukuto ule, kuni dile, mabwe ale vamohi na teya yafwanyeya vati viwa. Eto ohoummihaga mahindje kafwanyeyaga mmulihani mule.

Mwa enne atu atene kafwanyeyaga evale kagaonne jatene jaireyilege jile, kohokokoraga kafiyihaga miru diwa vati keraga: <<Na ibaribari Yehova guli Mulugu! Yehova guli Mulugu!>>

Evale namalabole agadowilewo fendo yanetanu na mbinli, ohowongaga eraga: <<Nnaona mwana murambo mung'onong'onove akumelaga mbara mule, agwelaga zulu. Mwana murambole unakala nnga ndanda na mutu.>> Noira enne, mulombwana Eliya ohomurumaga eraga: <<Kadowa wamuwandele Akabe ira: <Usakanyede aterelado wawo udowege vande, tawiha ira muzongwe unaufwanye!> >>

Mwa enne Eliya ohozeliwaga kopolo da Yehova, liye mangiha pama kapaye mmwinini mwaye, roma tamangaga na mendo, liye dowa kala sogolro wa Akabe, ante liye fiya mulango ovolowela wa sidadi ya Jezereli.

Noira enne, Eliya ohomuwandelaga Akabe eraga: <<Kadowani mwadje vamohi no ng'wa, mwasiwa nnovwa kukuma wa muzongwe mudjindji.>>

Eto ohomuwandelaga namalabaye eraga: <<Kadowa waing'ane pandi ya bara, uone iliwo!>> Namalabaye ule ohodowaga. Agawenlewo ohowongaga, liye ira: <<Kadifwanyilewo yengo!>> Noira enne, Eliya ohomurumagave akoka eraga: <<Kawelelawo waone.>> Agawelenlewo, kaonnegeve yengo. Eliya ohokalelave muruma adowaga, awelagawo, fiyeda fendo tanu na mbinli.

Mwa enne mulombwana Eliya ohowongaga na mwindji watene eraga: <<Atene muze vili miyo.>> Evale atene kohogumanaga vafwanyeya liye vale. Noira enne, mulombwana Eliya ohovenyihaga akoka ibuwa ya Yehova yenno yamanle bwanyuwa.

Era eno aliwa kavepe nzina na mulugu wewa eto na miyene divepe nzina na Yehova. Nagairile eno, mulugu wenno unarumele yovepa, arumiha munlo, wenno gunafwanyeya agali Mulugu wa ibaribari.>> Mwa enne atene kafwanyeya evale kohorumelaga keraga: <<Mazu muwongile nyo kohokala pama!>>

Eto ohotukulaga mabwe kumi na menli molingana no indjiva wa malogo a ana Jako, wenno azeliwe mazu a Yehova ira: <<Nzina nawo unaitaniwege Izarayeli.>>

Eto yagafiyile midiya, mulombwana Eliya ohoromaga apeta eraga: <<Akala Baali gu mulugu okalawo, kalobelani mokuwa ira awande uvwani. Afwase liye ukana inatulela liye nari liye podi kana jimohi jiwa jinahinda liye, owu afwase liye podi kala vaulrendoni, owu afwase liye unagona. Kakuwani pama ira awande rurumuwa.>>

Agatukunle mabwale, ohosakanyana ibuwa mwa nzina na Yehova, nomala eno mmambalo mwa ibuwa mule ohotimbamo mwana muliha fiyeda wereweriha ibuwele. Ira mwana muliha ule azale, yafuneya nnga mukutuleliwe malituru 20 a mahindje.