Versets bíblics populars de Matie 2

Comparteix

Be wluli sua lɔ, be wunnin bakan'n nin i nin Mari, be kotoli i bo, be mɛnmɛnnin i. Be nyannjili be trɔ mun, be cɛli i sika ɔkwlɛ, nin ansans, ɔ nin mir.

Be wuli Jésus Bɛtleɛm, Zide mɛn'n nun. Blɛ sɔ'n nun, famiɛn Erɔd yɛ ɔ sie nvle sɔ nin-ɔn. Mɛn nun sa sifuɛ wie'm be fin wia afiliɛ be bali Zerizalɛm lɛ, be usali kɛ: «?Zuif'm be famiɛn'n bɔ be wuli i icra'n ɔ o nin? Afin e wunnin i nzraama'n wia afiliɛ lɔ, yɛ e bɛli i sulɛ-ɔ .»

Kɛ be wunnin kɛ nzraama'n ɔ'a jran'n, be klun jɔli dan kpa.

I sin be fa atin uflɛ be ɔli be mɛn nun, afin Nyanmiɛn seli be laliɛ nun kɛ nán man be sa be sin Erɔd wun lɔ kun. Kɛ be ɔli'n, e Min Nyanmiɛn'n i anz kun yili i wun kleli Zozɛf laliɛ nun, ɔ seli i kɛ: «Jaso fa bakan'n nin i nin an `wanndi wɔ Ezipt, an `tran lɔ lele san n ´se wɔ kɛ a bla, afin Erɔd wa kunndɛ kɛ ɔ ´kun bakan'n.»