Versets bíblics populars de Marki 6

Comparteix

Yaaba n den caa bi kani leni yaaba n goa, den yabi hali maama ke baa den pia lenli ki baa je. Lani, Jesu den yedi ba: «Cua mani tin piadi ti bebe ki gedi bi niba n ki ye naani, yin fuodi waamu.»

Jesu den yedi ba: «Bi kan fali saawalipualo kaanto, kali o dandogu, leni o kpiiba siiga leni o diegu nni.»

Jesu n den ñani ku ñinbiagu nni, o den laa ke bi niba ladi ki ban caa. Mi ninñima den cuo o, kelima bi den tie nani yaa pe n ki pia yankpaalo yeni. Lanyogunu o den cili ki bangi ba yaa bonla n yabi.

Waa den fidi ki tieni likani banciantoama, li yàá tie wan maani o nii a yiama waamu po, ki paagi ba. Bi dandanluoma den paki o. Jesu den goadi li dobila nni, ki bangi bi niba o Laabaaliŋamo.

Jesu den taa bi dupenmuudiba leni i janliedi ki yaadi ki noanli tanpoli po, ki tuondi U Tienu, ki cabidi cabidi dupen, ki teni o ŋoadikaaba ban boagidi ku niligu. O go den boagidi i janliedi mo ke bikuli baa. Bikuli den dini ki guo. Bi den wodi ban dini ki sieni yaa dupencaba leni yaa janjena, ki gbieni piiga n baabuodilie.