Versets bíblics populars de Matie 2

Comparteix

Bi den kua li dieli nni ki laa ki biga leni o naa Mariyama. Bi den gbaani ki kpiagi ki biga, ki lodi bi ŋalimani boaga ki ñani ki puni o yaa paabu n tie ne: wula, a dugibila leni mili .

Jesu den mali Betelemi, Jude diema nni. Li den tie Herodi n den kaa ti gbandi po yaa yogunu. O madi puoli, yaa banda n diidi a ŋmabila den ñani hali puoli ki cua Jerusalemi. Bi den buali: «Ban mali Jufinba bado yua moala ne ye le? Ti laa ke o ŋmabiga pudi puoli, ke ti cua ki baa kpiagi o.»

Ban den laa ki ŋmabiga, bi pala den mangi hali boncianla.

U Tienu den waani ba ti dangidi nni, ke ban da guani Herodi kani. Lane bi den tagini santo ki kuni. Ban den fii, o Diedo maleki den doagidi Josefi kani ti dangidi nni ki yedi o: «Fii ki taa ki biga leni o naa ki sani ki gedi Ejipiti. Yin ban yaa ye lanpo, hali min baa waani a yaa yogunu, kelima Herodi baa lingi ki biga, ki bua ki kpa o.»