Versets bíblics populars de VAROME 4

Comparteix

Llyo llya alelollya kyaasa kya Iruva, nnyaletirwa nnyinyira nare nalairikya-fo, kyaindi mmbo kikusiryo kilemmbika finya, kaarafuma Iruva; nawe eishi deny sheelyi Iruva asheinutya fyaasa fyakwe.

(Shaasa kyikee kyireiye, “Mmbo shilekuvika kuve Nde wa ngyuufyari shiingyi.”) Usanguny lwa yeto alekusirya Iruva, yeto mwiiviirya vafu muu. Yeto aidima ivaanga filya filandekaa-fo kyimwi sheelyi mmbo fiifo.

Nawe mmbo alerambikkywa kyimaruma kya uravi lweru, nawe karutwa naambo neese lweekennywa usumanu.

Nawe mmbo aleirikya evereyaa filya filavaa ivika nsia, naambo nave nde wa ngyufyari shiingyi, shaasa kileambawa, “Niindo ufyari lwafo lushevaa.”

Kweekyo kyaasa mmbo kyilesha na iirikyo, kishe na shia yeesarya, naambo kyaasa ekyo kikooye ivanga efo vaniny va kyaasa. Nshi kwa valya va uvavaso-da-fo, lyo ni kwa valya va kikusiryo kya Abrahamu, nawe ni nde weeru loose.

Ngoma ni yewo vakee vasarye maravi awo, na ngyulyamari tawo tikasikyo. Ngoma ni ya nndu yeto Nndumi nalamwekennyaa ulyamari.

Mashika mareiyo mmbo aamba inda? Abrahamu mmbo aleirikya Iruva, kyikava nkyo kyamwekennya usumanu.