Versets bíblics populars de VAROME 3

Comparteix

Mashika woose mmbo vatannyi ulyamari, na yaanguywa ni itumbe lya Iruva. Mmbo vashekennywaa usumanu ruu kyeendwa ni isarya lyakwe, kwa shia ya iwowowa ni Kristo Yesu.

Ni usumanu lwa Iruva lweendwa nkikusiryo kya Yesu Kristo kwa woose yewo vairikya. Lyo nkwiyoo kilakaniso-fo.

Mmbwe Iruva alemmbika nave nsandi kyeendwa nkikusiryo efo samuny yakwe, naambo noore usumanu lwakwe, kyimaruma kya ilekeya efo usisiryony lwa Iruva ngyulyamari toose tilensongwa itanwa. Naambo noore usumanu lwakwe kyeeri ekyi, naveva mmbwe muni usumanu na mwiekennya usumanu yeto moose airikye Yesu.

Mashika nkwiifo nta nndu umwi atiri mwiili asheekennywa usumanu mmashora a mavavaso-fo. Mashika imanya ulyamari mmbo lyeendwaa mmavavaso.

Shaasa kyikee kyireiye, “Nkwiifo atiri usumanu nta umwi-fo. Nkwiifo eeshi-fo, nkwiifo mwiruuya Iruva-fo. Woose mmbo vaevekkye, vakapwaa woose deny. Nkwiifo mwitana mesha-fo, oode, nta umwi-fo.

Naasany mmbo lwalollya sheelyi nndu wa vandu mmbo asheekennywa usumanu kyuuka na kikusiryo kulaiyo mashora a mavavaso.

Oode! Iruva mbwelollyo mmbwa dede na nndu ni llembi, shaasa kyikee kyireiye indi: “Naambo kulolyo yewe ni wa dede elyi kwarera, kweende ivinga elyi kwaanga ando afo a yaanduya.”