Versets bíblics populars de VAEFESO 5

Comparteix

Naasany, latyeny Iruva, muve sha vana vakunde; mukae na ukundi shaasa na Kristo alevelukunda yese, kutani akuvika-u kimaruma kyany, kava kiraso kwa Iruva, kive nrungo nsha ufwaamaa.

Kyasia loleny nnu shaasa mushendaa; nshi sha vandu valatiri urango-fo, kyaindi muve vandu vatiri urango; muvekira fyeeri mashika fyeeri efi mfya uravi nnu.

Nta mulave veenangwa mmbwari nato utiri nnu ufullwe, lyo lalakyeny iishurwa Mumuyo. Muumburani na fiimbo fya zaburi na fiimbo fisongosye fya nriminy, mwiishimbaa na ikapya Iruva ukoru efo miriminy yaany, muveana Iruva Nde mikonu myoose kya findo fyoose, kwi irina lya Nndumi weeru Yesu Kristo.

Kimmba ni indo mulasheeva varung'ani-fo, mumanyi nkyokyi kisennyi Nndumi.

Yeni womi, kundeny vaka vany, shaasa na Kristo nawe alevekunda siri, kakuuta we muni kimaruma kya vayo.

Mashika elyo mbee mmbo mwekee ireeminy, kyaindi ulaalu mmbo mukee seny mukee na Nndumi, naasa endeny sha vana va sa.

Neeni muveni na veni mwiikunyisaa mwiireiye Kristo.

Yeni vaka, indyeny womi vany kimwi sha iindya Nndumi weeru.

Lyo wo nndu nakunde nka wakwe shaasa akukunndye we muni, nta nka nalare nalaindya mmi wakwe-fo.

Kimmba ni indo nndu mmbo asheraa ndeye na maaye, nandekutira na nka wakwe na yewo vavii vashevaa mwiili umwi.

Nta mulaakani ngaa shikasha titiri ndunda ta ireema-fo, kyeemminy findo fya ngata yeyo