Versets bíblics populars de Marcos 6

Comparteix

Jaxa b'a'ye'i, jel jitsan ja kristyano jumasa, tuk ma' wa'n kumxel tuk ma' wa'n k'otel, jaxa ye'nle'i, mini b'a oj wa'uke mix b'ob' yujile. Ja'yuj ti alji yabye yuj ja Jesusi: —La'ik wajtikik b'a jun chonab' b'a ch'ab'an b'a oj ja wi' t'un a wipex—.

¿Ja iti, mi ma ja'uk ja karpintero yal ja Maria, ja it ja smoj alijel ja Santiago, ja Jose, ja Judas sok ja Simon b'a? ¿Mi ma meranuk ja ti aye b'a junxta chonab'il sok ja swats jumasa b'a? Toj jomel s'olom kanye, wa sk'ana oj waj smak e' b'ej. Ja'yuj ti alji yabye yuj ja Jesusi: —Mini jun aluman Dyos oj iljuk lek ja b'a junxta schonab'ili, mini sok ja smoj alijel jumasa, cho mini sok ja ma' tey b'a yoj snaji, mini oj kisjuka, —xchi ja Jesusi.

Yajni ko' ja Jesús ja b'a barco ti yila jel jitsan tsoman ja kristyano jumasa, ti stalna sya'ujlale'a, jach' yila jastal jun nole chej b'a mey talnuman. Ja'yuj jel jitsan ja jastik sje'a.

Ti ya' kajan ja sk'ab' ja Jesús b'a skwerpo ja chamum jumasa, tojb'iye chab' oxe ja ye'nle'i; kechan mini b'ob' sk'u'l tuk milagro'a, jel cham ja sk'ujol ja Jesús yuj ja mix k'u'aji yuj ja kristyano jumasa jawi. Ja Jesusi, ch'ak sb'ejtes ek' ja chonab' jumasa b'a mojan yi'oj sb'aji, ch'ak sje' yi'e ja yab'al ja Dyosi.

Jaxa Jesusi, ti yi'aj ja jo'e (5) pan sok ja chab' (2) chayi, sk'ela k'e ja satk'inali, ya' yi ts'akatal ja Dyosi. Tsa'an ti spila'a, ya' yi' ja sneb'uman jumasa b'a oj sk'ep'e yi spetsanil ja kristyano jumasa; cho jach' sk'u'lan sok ja chab' (2) chayi. Ch'ak wa'uke spetsanile man b'ut'ye lek. Jaxa sneb'uman jumasa ja Jesusi, ti stsomowe ja sts'ub'il jumasa janek' kani b'ut' lajchawe (12) mo'och.