Versets bíblics populars de MAADOCO 9

Comparteix

Jesuuquidiito cönä’döaacä chäwwä: —Ecaanö’jai aweiya’jäcä, tameedä töwä’döe ñäädä ecaanö’nei wwä; quee Jesuuquidiito cönä’döaacä.

Yaawä mude’cä’cä umö töcä’de cöna’deuwöi; cönä’döaacä: —Wecaanö’a; cö’wa’täcä chäänönge jeene wecamjöiye; quee.

Yääje mma yaawä ä’saca Jesuuquidiito womonga’jäcä töudäje ñoowanoomadö cöneecamma’joicho: —¿Ane’que’nei ija’canö’jojai’cha ñaa nä’jaanä; quee cönä’döa’to. Jesuuquidiito cönä’döaacä chäwwäiñe: —Yääjato odo’sha töweeja’ca nai Wanaadi wwä wa’deuwö’jä queede, wäänema’jä queede mmaja; quee cönä’döaacä Jesuuquidiito.

Aashicha saayu töweiye nai. Yaawääne’, dha’cwötöödö wataamea’jäcä, ¿aaquene ma’cwötöömaiyede yaawä? Saayu ’je eichäcä änwannoje dea, ta’cwaiñe eichäcä ajimmotoncomo jäcäiñe; quee cönä’döaacä Jesuuquidiito.

—Ñäädä öwö jääcäinchädä määdhä mude’cä’cä nöngato aashicha tödöönei, öwö mmaja aashicha yöödöa dea. Ñäädä aashicha yöödönei, öwö mma’da aashicha yöödöa, yaanontänei’jödö mmajaane; quee cönä’döaacä Jesuuquidiito.

Ñäädä Quidiito sotoije aweichöcoomo jäcäinchädä tooni sunuuji’chä mmädä owoocödööcomo u’nei’jödö töweiye na’de chääje’jödö, öwö yeetö joi u’a’jäcä.

“Ñäädä mude’cä’cä yeecanö’nei shaadijannä’canei täju ijöncäcä tö’wadö’tämje yei’jödö na, dama sö’jato ’cwaca emaadöje mma.

Adheenudu nene’madö woije asaadijanga’jäcä u’cacä. Aashicha eijai ña ijaatoonomjödö mma adheenudu Wanaadi jataacäi äätädö; cone’da eijai ña a’nädäncädä adheenudu weichaame wa’to töwäätunque’emjönö aca awäätämaajodö.