Versets bíblics populars de MAADOCO 10

Comparteix

Soto nnedöödä cöneejäne’, soto anontäneichomooje’da, chäwwäiñe tödööneije mmaane, töwä’tudu wetä mmaja jooje soto ewaanacaato’comooje; quee cönä’döaacä Jesuuquidiito.

Yaawä tönoowanoomadö ene’mancädäiñe Jesuuquidiito cönä’döaacä chäwwäiñe: —Soto woije mma ääwanaacajai’cha weiñä nai, Wanaadi woije mmaane; tameedä tödööjaiñe töwö yeiyajä; quee cönä’döaacä.

Jesuuquidiito cönä’döaacä chäwwä: —Äjääne eduuwa; äwwä ecamjödö weijäcä määjichö’täi; quee. Yaawä dea mma ñäädä töneene cönä’döi. Jesuuquidiito jadä cöntaacä yaawä ääma tai.

Yääje yeijäcä Wanaadi nejoodöjo’jödö soto änsancwajoi’che; quee cönä’döaacä Jesuuquidiito.

Jesuuquidiito tujunne cöneene’maacä ñäädä dhanwa. Töwö cönä’döaacä chäwwä: —Töweiye dea na äwwä tödööemö. Tameedä äwwono ejeemajoota, änsomaadö, anaudädö mmaja. Chääje’jödö u’jä’cä yaawä a’ca’como wwäiñe, caju ñaane tönsomaaque meiye. Ä’cäde’de yaawä; öwö umjummadö woije eichä’de yaawä. Cone’da männöi’che jääcäinchädä äwäntunamjödö, cuduusa jäcä adhaajoijodö jadä’jödöödä; quee cönä’döaacä Jesuuquidiito.

Yaawä Jesuuquidiito cönä’döaacä chäwwä: —¿Aaquene äwä’döjo’se manä öwwä? Ñäädä cönä’döaacä yaawä: —Äwwä wäänu’täjo’se wa; quee cönä’döaacä.

Änwanno mmaane yääje eijai’cha maato. Ñäädä adhantawäiñe o’jodhe töwei’shato töjimmä anoonöcoomoje eijai ña.

Chäänönge yääje wä’döa äwwäiñe, mude’cä’cä tönnöe töweiye naichöje Wanaadi acaajichaanaichomooje ännö’da aweiya’comjäcä, Wanaadi sotoije eijai’cha maato; quee cönä’döaacä Jesuuquidiito.

Eduuwa täneejuque naatoodö dhantai ema’jödööje naato’de. Ñanno eduuwa wentumje naatoodö mmaane dhantai täneejuque naato’de; quee cönä’döaacä Jesuuquidiito.

Awa’deene mmaane, tameedä tödööajä naadö amoode’nädaawä, Wanaadi cönnöi dhanwa wodi acä. Yääje yeijäcä dhanwa tumö shancwajai ña, senö mmaja, töjiiñamo jadä töwä’dödö wetä. Yaawä aacä töweichaameiñe tooniño nönge naato’de.