Versets bíblics populars de मार्कुस 6

Comparteix

ईशू बोलअ तिन्‍नां लै, “हाम्हां डेऊणअ किधी कांगनरांगी ज़ैगा लै थोल़ी घल़ी करनअ राम।” किल्हैकि तिधी रहा तै खास्सै मणछ एछदै लागी अर तिन्‍नां निं रोटी खाणेंओ बगत बी भेटदअ त।

ईशू बोलअ तिन्‍नां लै, “परमेशरे गूरो हआ होरी सोभी ज़ैगा अदर पर आपणीं नगरी, रिश्तैदारा अर टबरा मांझ़ै निं तेऊओ अदर हंदअ।”

ईशू तिधी पुजी किश्ती का होथअ अर तिधी आऐ खास्सै मणछ अर ईशू फिरी तिन्‍नां भाल़ी झींण। किल्हैकि तिंयां थिऐ एही भेडा ज़िहै ज़हा फुआल कोहै निं हंदअ। तेखअ लागअ ईशू कई गल्‍ले शिक्षा दैंदअ।

ईशू निं तिधी किछ़ै खास्सै च़मत्कारे काम किऐ, तेऊ किऐ तिधी सिधै धख ज़िहै बमारा दी आपणैं हाथा करै छ़ुंहीं नरोगै। ईशू हुई ऐहा गल्‍ले रहैनी कि तिन्‍नैं निं विश्वास किअ! ईशू रहअ आपणैं च़ेल्‍लै संघै नगरी अर गराऊंऐं हांढी शिक्षा दैंदअ लागी।

ईशू ढाकी तिंयां पांज़ रोटी अर दूई म्हाछ़ली हाथै अर सरगा बाखा लै भाल़ी किअ परमेशरो शूकर। तेखअ लागअ रोटी चोल़ी-चोल़ी करै च़ेल्‍लै का दैंदअ अर तिंयां लागै लोगा लै बांडदै, अर तिंयां दूई म्हाछ़ली बी दैनी सोभी लै बांडी करै। इहअ करै खैऊई सोभी लोगा का रोटी अर तिंयां सोभ लोग रज्ज़ै। बारा च़ठै भर्हुऐ तिन्‍नां रोटीए ज़ुंण पिछ़ू बच़ी अर म्हाछ़लीए बी बच़ै कई च़ठै।