Versets bíblics populars de MARIKO 6

Comparteix

Vandu valiho vanyishi viitsanga nivatsia, nikachila Yesu nende veechi veve nivavula vwiyangu vukhulia. Nalwo lwa Yesu yavavoolela, “Chendi khutsi vene havundu ha khunyala khuhulushila vonyene.”

Yesu yavavoolela, “Muprofeti aheelwa luyali shia havundu hosi, navutswa avula khuheelwa luyali mu litaala liavo liarulamu inoho mu viikho veve inoho mu vandu vi inzu yeye.”

Lwa Yesu yarula mu liaro, yalola shituma shikali shia vandu navalolela tsimbavasi, shichila vali khuli makondi kavula mwayi. Khulwa yako, yaraanga khuveechitsa vindu vinyishi.

Shikali yakholakhu shiloleshitsu shiosi iweneyo tawe; navutswa yavikha makhono keke khu vandu valwalanga valala nivahona. Yesu yali nilichenya linyishi muno, shichila vandu venavo vali nivavula lisuuvila. Yesu yasimukha natsia mu michitsi chiali nichiliho himbi, niyechitsanga vandu.

Yesu yavukula mikati chiranu nende tsisutsi tsivili, naheenza mwikulu, nasanditsa Nyasaye. Yatong'olanyinya mikati naha veechi veve vakavulili vandu. Yakavula khandi tsisutsi tsienetso khuvo voosi. Vandu voosi valia nivikura. Veechi vavunjelitsa mihinda likhomi na chivili nichitsuli mikati nende tsisutsi tsiali nitsirikale.