Versets bíblics populars de OROMA 5

Comparteix

at Ala nen perak, nit maluk eekwi niigak, Keritut ninake kambeegerak ti paga Ala nen ninabuwa nggwok togon mbake menggerak kogo ogoorik o.

Ndi, niniki luunik togop wonage me, at Ala nen Aberiniki wo'niragagerak ti paga at Ala iniki kunik nen mondok alik ninabuwa mbake menggerak nineenu logonet, niniki luunik wonogwe nogo kolaagun aret me, niniki piirik logorak lek o.

Ti mban ale'nggen mbako logorak lek o. Ata, piyak-payak eerogo pinanugwi ti, niniki kwi'ndak logonet, waganggo logorak nduk eeppinanugwi nineenu me, eeppinanugwi iigak, ale'nggen aret mbako logowok o. Ndi, niniki kwi'ndak logonet, waganggwi ti paga at Ala nen, ”Aap yi abut mbanggirak kwe, iniki yanggonak logonet wagangge me, op aret kagi o,” mbake kagak, at aap nogo nen, ”Ti ari paga Ala nen wo'nabigin abet aret kagi,” mba'nuk, iniki abu luunik aret menggerak.

Yogondak niniki at oba panggombunuk abet mbakwi paga at Ala nen obeelom agago pinaneegerak me, ninowe Yetut Keritut eereegerak paga ninikiigun tayenak Ala ninom kunik aret ogoorik o. Ala iniki kunik nen onggo lek we aret wo'nirage menggerak nogo ti, nit niniki abet mbakwi paga kolaawak nduk niniki tu paarogo pinaneegerak wonogwe me, Ala tiyanak minggi kwak, nit togop ndak-ndak tiyappinaniyak niniki luunik logonet, ale'nggen mbakak logowok o.

Nit nen ninagap ndakkoloorak abu meek tit niigak, Ala nen, ”Yetut ti eyom paga waruwak o,” yinuk, koonogo pereegerak nogo eyom a'me lik yi nage mbareegi, nit maluk eeko monggoorak ninake aret kambeegerak.

Ndi, yogondak at amiya paga obeelom agago pinaneegerak me, ”Peebi Ala nen ninagap ndarigin lek, anini eeppinanigin o,” yinuk, yogo ogotik? Lek o. Ninagap ndarigin aret mbako logowok o.

At Aram nogo Ala nen yoreegerak ndak-ndak eerulik maluk eereegerak paga nit aakumi abok maluk eeko nogogurak nogo kwak, yogondak togon togop aret at Yetut nen Ala oone liirogon eereegerak paga, nit aakumi abok aret obeelom agago pinanikit nduk eereegerak kogo o.

Ti eereegerak paga mban ale'nggen mbako logorak lek o. Ata, ambi nit ninowe Yetut Keritut eereegerak nogo paga Ala ninom lambunogo pinaneegerak me, ”Ala wa,” yinuk, ale'nggen mbako logowok o.