Versets bíblics populars de OROMA 4

Comparteix

abok wone yoreegerak nogo, ”Arigin ilik, lek kwa?” mbake logolik. Ata, iniki nen, ”Mondok abet aret eerigin kagi,” mbake logonet, Ala wogoppege nagagerak. ”At Ala omaawi ambik me yo'negerak nogo ti, abet aret eerigin o,” mba'nuk, iniki mondok wone ti paga panggombunuk wonagagerak ti paga

Ti yoreegerak nogo, ”Yi aakumi ndi aakumi abok inombo kat aret agago pagagi o,” yinuk, yoreegerak liiru mbanak wonage nogo kokwak, abok ninombo agagerak. Ndi, aakumi kanggaatak ineenik agago mippiige, yi mendek ndi mendek lek me warak agago pege, eeke menggerak at Abarakam abet mbareegerak Ala nogo nen yoreegerak kenok, abet aret yereegerak mbako ogoorik o.

At Yetut kambeegerak nogo ti, nit Ala oone taganogo punuk, yiluk-maluk eekwi niinok, waruwak nduk punogo pege, ndi, nit obeelom eerogo pinanuwak nduk eenik eerogo mippege, eereegerak o.

”Kat kombowologwe apit wigak yugun o,” yoreegerak nogo eeriyak meek tit kagak kwe, wone ti paga abet mba'nuk iniki mondok panggombereegerak me, yoreegerak liiru mbanak nogo ndak-ndak, aakumi apit aret inogoba agagerak.

It aakumi Muta yoreegerak wone waganggo menggaarak inom, ndi, at Abarakam iniki abet mbareegerak kokwak, it abet mbakwi inom, nit abok aret ninombo Abarakam aret me, Ala nen abok yoreegerak woorak ti, nit eekwi paga lek o. Ata, ”Abet mbakwi paga Ala iniki kunik logonet onggo lek we aret unde eeppinanege kagi,” mbaruwak nduk, yoreegerak.

At Ndawut nen ari logonet, ”It Ala oone taganggo menggaarak nogo, Ala nen kobak eerogo piige, ndi, it maluk eeko menggaarak inomaluk lek eerogo piige, eeke kenok ti, iniki ale'nggen mbako logogun o. Maluk eekaatak inogoba Ala nen eenggi lingginogo yoraga'lek kenok ti, iniki ale'nggen aret mbako logogun o,” yinuk, yereegerak.

At eereegerak paga Ala nen obeelom eeppenetak nen, ti paga panggombunuk wogoppatiyak kwe, ”At Abarakam nen iniki at Ala oba panggombunuk, abet mba'nuk wonagagerak paga obeelom agago pereegerak o,” yinuk, liiru mbanak wonage ti paga, Ala nen eeppereegerak me, at enggaanom paga wogoppatiyak ti meek o.