Versets bíblics populars de Filipi 4

Comparteix

Neo' mpokakoro' ba napa–napa. Hi butu nyala-na tida oa'-koi mosampaya, mekakae, merapi' hi Alata'ala, pai' mpo'uli' oa' tarima kasi.

Ane nitonu kakoroa'-ni hi Alata'ala, nawai'-koi kalompea' to meliu ngkai pekiri manusia', alaa-na rodo-mi nono-ni pai' pekiri-ni hi posidaia'-ni hante Kristus Yesus.

Ka'omea-na ompi', kuperapi' bona nipenonoi oa' napa–napa to lompe' pai' to natao ra'une'. Napa to makono, napa to masipato', napa to monoa', napa to moroli', napa to ncola, pai' napa to lompe' ra'epe doo, toe-mi to nipenonoi.

Kupakule' oa' mponyanyo butu to merumpa', apa' Kristus mporohoi nono-ku.

Ompi'–ompi', kana goe' oa'-koi, apa' mosidai'-mokoi hante Pue'. Hangkani-pi ku'uli': pakagoe' ncuu nono-ni.

Uma bisa kuhiwili kalompe' nono-ni ompi'. Alata'ala to kupue', Hi'a-damo to mpakagana hawe'ea kaparaluua-ni, ntuku' ka'uaa'-na to uma mowo kabohe-na, hi posidaia'-ni hante Kristus Yesus.

Napa to nipenau' ngkai aku', lompe' tudui'-ku to ni'epe-mi pai' to nitarima, duu'-na gau'-ku to nihilo moto-mi, toe-mi to nibabehi. Ane hewa toe-pi kehi-ni, Alata'ala mpodohei-koi pai' mpakarodo nono-ni.

Kusarumaka hawe'ea tauna mpohilo kalompe' nono-ni. Kiwoi-e', uma-pi mahae rata Pue'!

Ku'inca tuwu' hi anu hangkedi', ku'inca wo'o tuwu' hi anu to melabi. Nau' ba napa–napa to mporumpa'-a, ku'inca oa' mpakagoe' nono-ku–nto'u bohu nto'u mo'oro', wori' ba hangkedi', nakariai ba nakakurai'.

Pai' ku'uli' toe, uma patuju-ku mpo'uli' karia-na kakuraa'-ku. Apa' kupobiasa moto-mi tuwu' goe' hante napa to ria.