Versets bíblics populars de Kolose 1

Comparteix

Nabahaka-tamo ngkai kuasa kabengia-na, pai'-ta napajadi' ntodea-na hi rala Kamagaua' Ana'-na to nape'ahi'.

Apa' Hi'a-mi to napopale Alata'ala mpopajadi' hawe'ea to ria, lompe' to hi suruga lompe' to hi dunia', to kahiloa pai' to uma kahiloa. Hawe'ea mala'eka pai' karampua, hawe'ea anu mobaraka' pai' to mokuasa–hawe'ea-na napajadi' hante baraka'-na pai' ntuku' konoa-na.

Kako'ia-na ria napa–napa, mpolia' ria-imi-hana. Pai' hawe'ea to ria nakuasai pai' napewili' hante baraka'-na.

Alata'ala, uma-i kahiloa. Aga ane ta'inca kehi pai' baraka'-na Ana'-na, ta'inca-mi kehi pai' baraka'-na Alata'ala. Ma'ala-mi ta'uli', Ana'-na toe-imi to Ulumua', apa' meliu kuasa-na ngkai hawe'ea to napajadi' Alata'ala.

Jadi', ompi'–ompi', ngkai lomo' kaki'epe-na kareba to mpokahangai'-koi, kiposampayai ncuu-mokoi. Mekakae-kai hi Alata'ala, kiperapi' bona nawai'-koi kanotoa nono pai' pe'inca mpo'inca hawe'ea konoa-na, bona po'ingku-ni masipato' hi tauna to mpotuku' Pue', pai' hawe'ea kehi-ni mpakagoe' nono-na. Mosampaya-kai, bona nipobago butu nyala pobago to lompe', pai' bona katedoo–donihia noto-ni mpo'inca Alata'ala.