Versets bíblics populars de ABAGALATIA 6

Comparteix

Titorosa gokora amaya, ekiagera natogese ekero engaki eraike, totakweti emioyo.

Nabo gatorabe ne ribaga tokorere abanto bonsi amaya, korende kobua mono abwo bare ab’okwegena.

Bogorerania chigurube inwe ase inwe, nario moraikeranie amachiko a Kristo.

Timong’aineka; Nyasae tagokorerwa echeche. Naki kende gionsi omonto agosimeka, nakio arache kogesa.

Naki ere oyogosimeka ase chingencho chiaye chi’ebibe nache kogesa ogosareka korwa ase chingencho chiaye chi’ebibe, korende ere oyogosimeka ase Omoika nache kogesa obogima bwa kare na kare korwa ase Omoika.

Abaminto, onye omonto obuirwe nokomocha konde, inwe abamore ab’Omoika nebagwenerete koirania omonto oyio ase omoika bw’obwororo. Erigererie aye omonyene, tobaisa goteemwa.

Naki omonto karekage ng’a ere naisaine, ere taisaini kende; igo akweng’aina ere omonyene. Korende kera omonto arenge emeremo yaye omonyene. Onye ore nengencho y’ogwetogia, tiga ayietogerie bweka omonyene, na tereng’ania nomogisangio oye. Naki kera omonto nebogorererie egurube yaye omonyene.