Versets bíblics populars de ABAGALATIA 5

Comparteix

Korende okwama kw’Omoika nobwanchani, omogoko, omorembe, oboremereria, obwororo, obuya, obwegenwa, oboitongo, okwerita ase onsi; machiko ande tari arange amang’ana buna ayio.

Gaki nigo nkobatebia, mogenderere ase Omoika na timogoikerania okogania gwe chingencho chiaino chi’ebibe.

Onye intwe twabeire moyo ase Omoika, togenderere boigo ase Omoika.

Abwo bare aba Kristo Yeso babambire chingencho chiabo chi’ebibe amo nokogania okobe na okorengereria kwabo.

Ogokora gwe chingencho chi’ebibe nigo kore maiso marore na korokwo nobotomani, eubi, obonyaka, ogosasima emegwekano, oborogi, obobisa, eriomana, ribero, endamwamu, obong’iti, okwerusanania, ogweatanana, emoko, oboiti, ogotinda, chigosori chimbe, na amang’ana ande buna ayio. Nabakureire buna narenge kobakurera ritang’ani, ng’a abwo bagokora amang’ana anga buna ayio, tibakonyora omwando bw’oboruoti bwa Nyasae.

Inwe abaminto, nigo mwarangeretigwe monyore obosibore; korende ogosiborwa kwaino tikoba ogw’okobwatia chingencho chiaino chi’ebibe, mbuya mokorerane inwe ase inwe ase obwanchani.

Naki okogania gwe chingencho chi’ebibe nigo gokoamererania n’Omoika na okogania kw’Omoika nigo gokoamererania ne chingencho chi’ebibe; naki ebi iga bikorwana goika timokonyara gokora ayamorigetie gokora.

Naki amachiko onsi aikeranigwe ase ring’ana erimo, na rirorio nario eri, “Mwanche omogisangio oo buna bweanchete.”

Titoba nokogania kw’ogwetogia abanyene, titochegania, gose koba nemoko intwe ase intwe.

Kristo agatosibora, erinde tomenye ase obosibore; gaki tenena bokong’u, timobwatwa naende ase obosibwa bw’obosomba.