Versets bíblics populars de यिर्मयाह 7

Comparteix

क्यूँके जिस बखत मन्‍नै थारे बुजुर्गां ताहीं मिस्र देश म्ह तै लिकाड़या, उस बखत मन्‍नै उन ताहीं होमबलि अर मेलबलि के बारै म्ह कुछ हुकम ना दिया था। फेर भी मन्‍नै तो उन ताहीं यो हुकम दिया के मेरे वचन ताहीं मान्‍नो, फेर मै थारा परमेसवर होऊँगा, अर थम मेरी प्रजा ठहरोगे; अर जिस राह का मै थमनै हुकम दियुँ उसे म्ह चाल्‍लो, फेर थारा भला होवैगा।

पर उननै मेरी ना सुणी अर ना मेरी बात्तां पै कान लगाया; वे अपणी ए युक्तियाँ अर अपणे बुरे मन कै हठ पै चाल्दे रहे अर पाच्छै हटगे पर आगै ना बढ़े।

“जै थम सचमुच अपणी-अपणी चाल अर काम सुधारो, अर सचमुच माणस-माणस कै बीच न्याय करो, परदेशी अर अनाथ अर बिधवा पै अंधेर ना करो; इस जगहां म्ह निर्दोष का खून ना करो, अर दुसरे देवत्यां कै पाच्छै ना चाल्‍लो जिसतै थारा नुकसान होवै सै, तो मै थारे ताहीं इस नगर म्ह, अर इस देश म्ह जो मन्‍नै थारे बुजुर्गां तै दिया था, युग-युग कै खात्तर रहण देऊँगा।”

सेनाओं का यहोवा जो इस्राएल का परमेसवर सै, या कहवै सै, अपणी-अपणी चाल अर काम सुधारो, फेर मै थारे ताहीं इस जगहां म्ह बसे रहण देऊँगा।