Versets bíblics populars de यिर्मयाह 23

Comparteix

फेर यहोवा की या वाणी सै, के कोए इसी गुप्त जगहां म्ह छिप सकै सै, के मै उस ताहीं ना देख सकूँ? के सुर्ग अर धरती दोन्‍नु मेरे तै भरपूर न्ही सैं?

“यहोवा की या भी वाणी सै, देख इसे दिन आवै सैं जिब मै दाऊद के कुल म्ह एक धर्मी अंकुर उगाऊँगा, अर वो राजा बणकै बुद्धि तै राज करैगा, अर अपणे देश म्ह न्याय अर धार्मिकता तै प्रभुता करैगा। उसके दिनां म्ह यहूदी माणस बचे रहवैंगे, अर इस्राएली माणस निडर होकै बसे रहवैंगे अर यहोवा उसका नाम ‘यहोवा म्हारी धार्मिकता’ धरैगा।”

“उन पाळीयाँ पै हाय जो मेरी चराई की भेड़-बकरियाँ नै आस्सै-पास्सै करदे अर नाश करै सैं,” यहोवा न्यू कहवै सै।

फेर मेरी भेड़-बकरियाँ जो बची सैं, उननै मै उन सारे देशां म्ह तै जिन म्ह मन्‍नै उन ताहीं जबरदस्ती तै भेज दिया सै, खुद ए उननै उलटा ल्याकै उन्हे की भेड़शाला म्ह कठ्ठा करुँगा, अर वे फेर फूल्‍लै-फळगें। मै उनके खात्तर इसे पाळी ठहराया करुँगा जो उननै चरावैंगे; अर तब वे ना तो फेर डरैंगी, ना हैरान होवैंगी अर ना उन म्ह तै कोए खू जावैगी, यहोवा की या वाणी सै।”

सेनाओं के यहोवा नै थारे तै न्यू कह्या सै: “इन झूठ्ठे नबियाँ की बात्तां की ओड़ जो थारे तै भविष्यवाणी करै सैं कान ना लगाओ, क्यूँके ये थमनै बेकार की बात सिखावै सैं; ये दर्शन का दावा करकै यहोवा के मुँह की न्ही, अपणे ए मन की बात कहवै सैं।