Versets bíblics populars de यशायाह 60

Comparteix

हे यरुशलेम के रहण आळे उठ, प्रकाशमान हो; क्यूँके तेरा प्रकाश आ ग्या सै, अर यहोवा का तेज तेरे उप्पर उदय होया सै।

जात्ति-जात्ति तेरे धोरै प्रकाश खात्तर अर राजा तेरी शान शोकत की ओड़ आवैंगे।

देख, धरती पै तो अंधियारा अर राज्य-राज्य के माणसां पै घोर अन्धकार छाया होया सै; पर तेरै उप्पर यहोवा प्रगट होवैगा, अर उसका तेज तेरै पै प्रगट होवैगा।

छोट्टे तै छोट्टा एक हजार हो जावैगा अर सबतै कमजोर एक ताकतवर जात्ति बण जावैगा। मै यहोवा सूं; ठीक बखत पै यो सारा किमे तावळा पूरा करुँगा।

फेर दिन म्ह सूरज तेरा उजियाळा न्ही होवैगा, ना चाँदणी कै खात्तर चाँद पै यहोवा तेरै खात्तर सदा का उजियाळा अर तेरा परमेसवर तेरी शोभा ठहरैगा।

तेरा सूरज फेर कदे न्ही डूबैगा अर ना तेरे चाँद की चमक घटैगी; क्यूँके यहोवा तेरी सदा की ज्योति होवैगा अर तेरे विलाप के दिन खतम हो जावैंगे।

फेर तू इसनै देक्खैगी अर तेरा मुँह चमकैगा, तेरा हृदय थरथरावैगा अर आनन्द तै भर जावैगा; क्यूँके समुन्दर का सारा धन अर जात्ति-जात्ति की जायदाद तेरे ताहीं मिलैगी।

अपणी निगांह च्यांरु ओड़ ठाकै देख; वे सारे के सारे कठ्ठे होकै तेरे धोरै आण लागरे सैं; तेरे बेट्टे दूर तै आण लागरे सैं, अर तेरी बेटियाँ हाथों-हाथ पोहचाई जाण लागरी सैं।

तेरे माणस सारे के सारे धर्मी होवैंगे; वे सदा देश के अधिकारी रहवैंगे, वे मेरे लगाऐ होए पौधे अर मेरे हाथां का काम ठैहरैगें, जिसतै मेरी महिमा जाहिर हो।

तेरे देश म्ह फेर कदे हुड़दंग अर तेरी सीमा कै भित्तर हुड़दंग या अंधेर का जिक्र ना सुणाई पड़ैगा; पर तू अपणी शहरपनाह का नाम उद्धार अर अपणे फाटकां का नाम यश धरैगी।

तेरे फाटक सदा खुल्‍ले रहवैंगे; दिन अर रात वे बन्द न्ही करे जावैंगे जिसतै जात्ति-जात्ति की जायदाद अर उनके राजा कैदी होकै तेरे धोरै पोंहचाए जावैं।

तेरे देश म्ह ऊँटां के झुण्ड अर मिद्यान अर एपा देशां की साँड़णियाँ कठ्ठी होवैगीं; शेबा के सारे माणस आकै सोन्‍ना अर लोबान भेंट ल्यावैंगे अर यहोवा का गुणानुवाद आनन्द तै सुणावैंगे।

यहोवा परमेसवर यरुशलेम तै न्यू कहवै सै, “परदेशी माणस तेरी शहरपनाह नै ठावैंगे, अर उनके राजा तेरी सेवा टहल करैंगे; क्यूँके मन्‍नै छो म्ह आकै तेरे ताहीं दुःख दिया था, पर इब तेरै तै खुश होकै तेरै पै दया करी सै।

तू जो त्यागी गई अर घृणित ठहरी, उरै ताहीं के कोए तेरै म्ह तै होकै न्ही जावै था, इसके बदले मै तेरे ताहीं सदा के घमण्ड का अर पीढ़ी-पीढ़ी की खुशी का कारण ठहराऊँगा।

तू जात-जात का दूध पी लेवैगी, तू राजयां की छातियाँ चूसैगी; अर तू जाण लेगी के मै यहोवा तेरा उद्धारकर्ता अर तेरा छुड़ाण आळा, याकूब का सर्वशक्तिमान सूं।