Versets bíblics populars de यशायाह 46

Comparteix

मै तो अन्त की बात शरुआत तै अर पुराणे बखत तै उस बात ताहीं बतान्दा आया सूं जो इब ताहीं न्ही होई। मै कहूँ सूं, ‘मेरी युक्ति स्थिर रहवैगी अर मै अपणी इच्छा नै पूरी करुँगा।’ मै पूर्व तै एक उकाब पंछी नै यानिके दूर देश तै अपणी युक्ति के पूरा करण आळे माणस नै बुलाऊँ सूं। मन्‍नै ए या बात कही सै अर उसनै पूरी भी करुँगा; मन्‍नै यो विचार करया सै अर उसनै सफल भी करुँगा।”

थारे बुढ़ापे म्ह भी मै उसाए बण्या रहूँगा अर थारे बाळ पकण कै बखत ताहीं थमनै ठाए रहूँगा। मन्‍नै थारे ताहीं बणाया अर थमनै लिए फिरदा रहूँगा; मै थमनै ठाए रहूँगा अर छुड़ान्दा भी रहूँगा।”

पुराणे बखत की बात्तां नै याद करो जो शरुआत मै मन्‍नै करा था, क्यूँके परमेसवर मै ए सूं, दूसरा कोए न्ही; मै ए परमेसवर सूं और मेरे बराबर कोए भी न्ही सै।

यहोवा न्यू कहवै सै, “हे याकूब के घरान्‍ने, हे इस्राएल कै घरान्‍ने के सब बचे होए माणसों, मेरी और कान लगाकै सुणो; थारे ताहीं मै थारे पैदा होण ए तै ठाए आण लाग रहया अर जन्म तै ए लिए फिरदा आया सूं।