Versets bíblics populars de यशायाह 42

Comparteix

“मन्‍नै यहोवा नै तेरे ताहीं धार्मिकता तै बुला लिया सै, मै तेरा हाथ थाम कै तेरी हिफाजत करुँगा; मै तेरे ताहीं प्रजा कै खात्तर करार अर जात्तां कै खात्तर रोशनी ठहराऊँगा; के तू आंध्याँ की आँख खोल्‍लै, कैदियाँ नै जेळ तै लिकाड़ै अर जो अंधियारे म्ह बैठ्ठे सैं उननै काळ कोठड़ी तै लिकाड़ै।

मै यहोवा सूं, मेरा नाम योए सै; अपणी महिमा मै दुसरे नै ना देऊँगा अर जो स्तुति मेरे योग्य सै वो खुदी होई मूरतां नै ना देऊँगा।

मेरे दास नै देक्खो जिस ताहीं मन्‍नै सम्भाळ राख्या सै, मेरे चुणे होए नै, जिसतै मेरा जी खुश सै; मन्‍नै उसपै अपणा आत्मा राख्या सै, वो जात-जात कै खात्तर न्याय प्रगट करैगा।

कुचले होए नरकट नै वो ना तोड़ैगा अर ना टिमटिमान्दी बत्ती नै बुझावैगा; वो सच्‍चाई तै न्याय चुकावैगा। वो ना थकैगा अर ना हिम्मत छोड़ैगा जिब ताहीं वो न्याय नै धरती पै स्थिर ना करै; अर द्वीपां के माणस उसकी सीख की बाट देक्खैंगे।

मै आंध्याँ नै एक राह तै ले चाल्‍लूँगा जिसनै वे न्ही जाणदे अर उननै इसे रास्तयां तै चलाऊँगा जिननै वे न्ही जाणदे। उनकै आग्गै मै अंधियारे नै उजियाळा करुँगा अर टेढ़े राह नै सीध्धा करुँगा। मै इसे-इसे काम करुँगा अर उननै ना छोड़ूँगा।

देक्खो, पैहली बात तो हो चुकी सै, इब मै नई बात बताऊँ सूं; उनके होण तै पैहल्या मै थमनै सुणाऊँ सूं।”